গণাণা 32:12 - Chakma Bible

¹² বানা কনিসীয়ো যিফূন্নির পূঅ কালেব আর নূনোর পূঅ যিহোশূয় সেই দেজ্‌চান্‌ দেগিবো, কিত্যে তারা মর্‌ কধাগান্‌ পুরোপুরি মানি চোল্যন।

গণাণা 32:12 ပူးပေါင်းရင်းမြစ်များ

গীতসংহিতা 63:8

মর্ পরাণানে তরে আজাবোদে ধোজ্যে; তর্ ডেন আঢ্‌তানে মরে ধুরি রাগেয়্যে।

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 14:24

মাত্তর্‌ মর্‌ চাগর্‌ কালেবর মনত্‌ সেধোক্ক্যেন চিদে-সজ্জা নেই আর তে মর্‌ কধাগান্‌ পুরোপুরি মানি চলে। সেনত্তে যে দেজত্‌ তে যেইয়্যে মুই তারে সেই দেজত্‌ লোই যেম্‌ আর তার্‌ বংশধরুনে সিয়েনি সোম্বোত্তি ইজেবে পেবাক।

গণাণা 14:30

বজত্তি গুরিবাত্তে যে দেজ্‌চান্‌ তমারে দিম্‌ বিলি মুই শমক্‌ গোজ্যং বানা যিফুন্নির পূঅ কালেবে আর নূনোর পূঅ যিহোশূয়ো বাদে আর কনজনে সেই দেজত্‌ চোমেই ন-পারিবাক।

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

যিহোশূয় 15:17

এ কধাগান শুনিনে কনষর বংশধর কালেবর ভেই অৎনীয়েলে সিয়েন গজক্ গুরিলো। সেনত্তেই কালেবে তার ঝি অক্‌ষারে অৎনীয়েল লগে বৌ দিলো।