গণাণা 31:29 - Chakma Bible

²⁹ সৈন্যগুনোর্‌ ভাগত্‌ এই খাজানাগুন তুই লগেপ্রভুর পাওনা ভাগ ইজেবে ধর্মগুরু ইলিয়াসরর্‌ আঢত্‌ দিবে।

গণাণা 31:29 ပူးပေါင်းရင်းမြစ်များ

যাত্রা 29:27

হারোণ আর তা পূঅগুনোরে ধর্মগুরু-পদথ্‌ থেবার-অনুষ্ঠানানর্‌ ভেড়াবোত্তুন্‌ নেযেয়্যে দোলন-উৎসর্বর্‌ যেরা আর উৎসর্ব গোজ্যে দামানার্ য়েরাগান্ লগেপ্রভুর্‌ নাঙে যুদো গুরি রাগেবে।

গণাণা 18:28

তুমি অন্য ইস্রায়েলীয়গুনোত্তুন্‌ তারার্ আয়র্ যে দশ ভাগর একভাগ পেবা সে ভিদিরেত্তুন্‌ এধোক্ক্যেনগুরি তমাত্তুনো লগেপ্রভুর নাঙে কিজু উৎসর্ব গরা পুরিবো। এই দশ ভাগর এক ভাগত্তুন্‌ লগেপ্রভুর ভাক্কো তুমি ধর্মগুরু হারোণর আদত্‌ দিবা।

গণাণা 31:28

সেই বেক্‌ সৈন্যগুনোর ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল আর ছাগল পরিবাক্ তার্‌ পত্তি পাঁচশতত্তুন্‌ এক্কো গুরি লগেপ্রভুর খাজানা ইজেবে ফারগ্ গুরি রাগা পুরিবো।

গণাণা 31:30

ইস্রায়েলীয়গুনোর্‌ ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল, ছাগল বা অন্য যে কনঅ য়েমান পরিবাক্ তার্‌ পত্তি পঞ্চাশ্‌চুয়োত্তুন্‌ এক্কোত্‌ ধরে ফারগ গুরি রাগেবে। সিগুন্‌ তুই লেবীয়গুনোর্‌ আঢত্‌ দিবে যিগুনো উগুরে থেবার্‌-তাম্বুলান দেগাশুনোর্‌ ভারান্ আঘে।”

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।