গণাণা 31:28 - Chakma Bible

²⁸ সেই বেক্‌ সৈন্যগুনোর ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল আর ছাগল পরিবাক্ তার্‌ পত্তি পাঁচশতত্তুন্‌ এক্কো গুরি লগেপ্রভুর খাজানা ইজেবে ফারগ্ গুরি রাগা পুরিবো।

গণাণা 31:28 ပူးပေါင်းရင်းမြစ်များ

পত্থম 14:20

যিবে তঅ শত্রুগুনোরে তঅ আঢত্‌ দিলো সেই দাঙর্‌ গোজেনরে বাঈনী গরা ওক্।” সেক্কে অব্রামে তার উদ্ধোর গোজ্যে পযাপিরানির দশভাগর একভাগ মল্কীষেদকরে দিলো।

১ বংশধর 18:11

ইয়েন আগেন্দি রাজা দায়ূদে ইদোমীয়, মোয়াবীয়, অম্মোনীয়, পলেষ্টীয় আর অমালেকীয়গুনো ইত্তুন্‌ সোনা আর রূবো আনিনে যেধোক্ক্যেন লগেপ্রভুর নাঙে যুদো গুরি রাগেয়োন্‌ সেধোক্ক্যেন ইয়েনিলোই তে সেধোক্ক্যেন গুরিলো।

২ বংশধর 15:11

তারা যিয়েনি লুদেইনে আন্যন্‌ সিয়েনি ভিদিরেত্তুন্‌ সে অক্তত্‌ তারা সাতশঅ গোরু আর সাত আজার ভেড়া লগেপ্রভুর নাঙে উৎসর্ব গুরিলাক্‌।

যিশাইয় 18:7

সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্‌‌‌তুনো ইত্তুন্ বক্‌‌শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্‌‌‌শিজ্‌চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

গণাণা 18:21

“ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

গণাণা 31:29

সৈন্যগুনোর্‌ ভাগত্‌ এই খাজানাগুন তুই লগেপ্রভুর পাওনা ভাগ ইজেবে ধর্মগুরু ইলিয়াসরর্‌ আঢত্‌ দিবে।

গণাণা 31:30

ইস্রায়েলীয়গুনোর্‌ ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল, ছাগল বা অন্য যে কনঅ য়েমান পরিবাক্ তার্‌ পত্তি পঞ্চাশ্‌চুয়োত্তুন্‌ এক্কোত্‌ ধরে ফারগ গুরি রাগেবে। সিগুন্‌ তুই লেবীয়গুনোর্‌ আঢত্‌ দিবে যিগুনো উগুরে থেবার্‌-তাম্বুলান দেগাশুনোর্‌ ভারান্ আঘে।”

গণাণা 31:47

সেই ইস্রায়েলীয়গুনে যে অদ্দেক্ ভাগ পেলাক্ সে ভিদিরেত্তুন্‌ মোশি পত্তি পঞ্চাশজন গাবুজ্যে মিলেত্তুন্‌ এক্কো গুরি আর পত্তি পঞ্চাশচুয়ো য়েমানত্তুন্‌ এক্কো গুরি নেযেইনে লগেপ্রভুর উগুম মজিম লেবীয়গুনোরে দিলো, যিগুনো উগুরে লগেপ্রভুর থেবার-তাম্বুলোর দেগাশুনোর ভারান্ এলঅ।

মথি লেখ্যে গম্ হবর্ 22:21

তারা কলাক্, “রোম-সম্রাটর্।” যীশু তারারে কলঅ, “সালে যিবে সম্রাটর্ সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।”

যিহোশূয় 6:19

বেক্‌ সনা, রূবো আহ্‌ পিদোল আর লুয়োর পযাবিরেনি লগেপ্রভুর নাঙে যুদো গরানা; সেনত্তেই সিয়েনি তার ধনভান্ডালত্‌ যেবঅ‌।”

যিহোশূয় 6:24

সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

যিহোশূয় 9:27

যিহোশূয় গিবিয়োনীয়গুনোরে সেদিন্যে উগুম দিলো যেন তারা ইস্রায়েলীয়গুনোত্তে আর লগেপ্রভু যে জাগায়ান বেঈ নেযেব সেই জাগানত্‌ লগেপ্রভুর ডালি-পূজোত্তে দার্‌বো কাবিবার আর পানি আনিবার কাম্‌ গরন্‌। এজঅ‌ সং তারা সেই কামানি গত্তন্‌।