গণাণা 31:20 - Chakma Bible

²⁰ বেক্‌ কাবড়-চুগোরানি আর চামানি, তক্তা আর ছাগল কেশ্‌চোই বানেয়্যে বেক্‌ পযাপিরানি তুমি সিজি গুরিবা।”

গণাণা 31:20 ပူးပေါင်းရင်းမြစ်များ

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

গণাণা 19:22

অসিজি অবস্থায় আগেদে মানুচ্চো যিয়েনি ধুরিবো সিয়েনি অসিজি ওই যেবঅ আর তার্‌ ধোজ্যে জিনিস্‌ছানি যে ধুরিবো তেয়ো সাজোন্যা সং অসিজি অবস্থায় থেবঅ।”

গণাণা 31:19

“তমা ভিদিরে যিগুনে কাররে মাজ্যন্‌ বা মারে ফেলেইনে কাররে ধোজ্যন্‌ তারাত্তুন সাত দিন সং তাম্বুলোর্‌ বারেন্দি থাহ্ পুরিবো। তিন দিনোত্‌ বা সাত দিনোত্‌ তমার্‌ নিজোর্‌ বা বোন্দী গুরি আন্যে মানুচ্চুনোরে সিজি গুরি নেযা পুরিবো।

গণাণা 31:21

যিদুক্কুন সৈন্য যুদ্ধোত্‌ যেইয়োন্‌ ধর্মগুরু ইলিয়াসরে তারারে কলঅ, “ইবে অলঅ মোশিরে দিয়্যে লগেপ্রভুর্‌ রীদি-সুদোমর্ এক্কো ধারা।