গণাণা 30:5 - Chakma Bible

⁵ মাত্তর্‌ সেই কধাগান্‌ শুনোনার্‌ লগে লগে যুনি তা বাবে তারে মানা গরে সালে তার্‌ মান্যেগান্ বা যিয়েন্‌ এগেম্ গুরি তে নিজোরে বাঁন্যে সিয়েন্‌ বাদ্ ওই যেবঅ। তা বাবে মানা গোজ্যে বিলি লগেপ্রভু তা মান্যেগান বা এগেমান ভাঙানা ক্ষেমা গুরিবো।

গণাণা 30:5 ပူးပေါင်းရင်းမြစ်များ

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

গণাণা 30:6

কনঅ মানত্‌ গরানার্‌ পরেদি বা চিদে-সজ্জা ন-গুরিনে কনঅ এগেম্বোই নিজোরে বাঁনানার পরেদি যুনি সেই মিলেবো বৌ যায় আর তা নেক্কো সেই কধাগান্‌ শুনিবার্‌ লগে লগে তারে কিচ্ছু ন-কয়, সালে তার্‌ মান্যেগান্‌ বা যিয়েন্‌ এগেম্ গুরি নিজোরে বাঁন্যে সিয়েন্‌ তাত্তুন্‌ পূরোণ গুরিদে পুরিবো।

গণাণা 30:8

মাত্তর্‌ সেই কধাগান্‌ শুনোনার্‌ লগে লগে যুনি তা নেক্কো তারে মানা গরে সালে তার্‌ সেই মান্যেগান্‌ বা চিদে-সজ্জা ন-গুরিনে গোজ্যে এগেমান্ শেজ্ ওই যেবঅ আর লগেপ্রভুয়ো তার্‌ মান্যে বা এগেমান্‌ ভাঙানা ক্ষেমা গুরিবো।

ইফিষীয় 6:1

পুয়ো-ছা লগ্, প্রভু যেধোক্ক্যেন চায় সেধোক্ক্যেন গুরি তুমি মা-বাবর্ বাধ্য ওইনে চলঅ, কিয়া সিয়েনই অনা উজিত্।