গণাণা 3:38 - Chakma Bible

³⁸ মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

গণাণা 3:38 ပူးပေါင်းရင်းမြစ်များ

১ বংশধর 23:32

ইঙিরিনে লেবীয়গুনে মিলন-তাম্বুলোর আর পবিত্র জাগানি দেগাশুনো গুরিদাক্‌ আর লগেপ্রভুর ঘর সেবা-কামত্তে তারার্‌ ভেই হারোণ বংশধরুনো অধীনোত্‌ কাম্‌ গুরিদো।

গণাণা 1:51

থেবার্‌-তাম্বুলান যেক্কে অন্য কনকিত্তে নেযা পুরিবো সেক্কে লেবীয়গুনেই সিবে খুলিবাক আর যেক্কে সিবে মিলেই জানা পুরিবো সেক্কে তারাত্তুনো সিবে মিলে পুরিবো। অন্য কনজনে তাইদু গেলে তারে মারে ফেলা অবঅ।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 2:3

যিহূদা-চাগালার মানুচ্চুনে মিলন-তাম্বুলর্ পূগেন্দি তাম্বুলান টাঙেবাক্। যিহূদা-গুট্টির নেতা অলঅ অম্মীনাদবর পূঅ নহশোন আর তার মানুচ্চুন অলাক চুয়োত্তুর্‌ আজার্ ছয়শত।

গণাণা 3:10

ধর্মগুরু ইজেবে কাম গুরিবাত্তে তুই হারোণ আর তার পূঅগুনোরে নেযা। তারা বাদেয়ো আর কনজনে যুনি ধর্মগুরুর কাম্‌ গুরিবাত্তে যান্‌ সালে তারে মারে ফেলা অবঅ।”

গণাণা 3:23

পোজিমেন্দি থেবার-তাম্বুলো পিজেন্দি গের্শোনীয়গুনোরে তাম্বুল ফেলেবাত্তে কুয়ো ওইয়্যে।

গণাণা 3:29

থেবার-তাম্বুলোর্‌ দোগিণেদি কহাতীয়গুনোরে তাম্বুল টাঙেবাত্তে কুয়া ওইয়্যে।

গণাণা 3:35

মরারীয় বংশগুনোর নেতা এলদে অবীহয়িলেরর্‌ পূঅ সূরীয়েল। থেবার-তাম্বুলো উত্তোরেদি তারার্‌ তাম্বুলানি টাঙেবাত্তে কুয়ো ওইয়্যে।

গণাণা 3:37

চেরোকিত্তে উদোনর্‌ খুদো আর টেঙানি, উদোন পর্দার খুঁদোগুন আর দুড়িগানি দেগাশুনো গরানা আর ইয়েনি সমারে অন্য বেক্‌ কামানি গরানা।