গণাণা 3:13 - Chakma Bible

¹³ কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”

গণাণা 3:13 ပူးပေါင်းရင်းမြစ်များ

নহিমিয় 10:36

রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

যাত্রা 13:12

সেক্কে তুমিয়ো তমার্‌ পত্তি ঘরর্‌ পত্তম মরদ পূয়োবোরে লগেপ্রভুর্‌ নাঙে দিবা। য়েমানর্‌ পত্তি পৌইল্যা চেলা ছবুয়ো লগেপ্রভুর্।

যাত্রা 13:15

ফরৌণে একগেয়েমি গুরি যেক্কে আমারে এবাত্তে ন-দের্‌ সেক্কে লগেপ্রভু মিসর দেজর্‌ মানেই আর য়েমানর্‌ পত্তি পত্তম মরদ পূয়োবোরে মারে ফেলেয়্যে। সেনত্তে মুই মর্‌ য়েমানুনোর্‌ পত্তি পত্তম চেলা ছঅবোরে লগেপ্রভুর্‌ নাঙে উৎসর্ব গরঙর্‌ আর মর্‌ পত্তম পূয়োবোরে ছাড়েই নেযাঙর্।

যাত্রা 13:2

“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 34:19

“পেদঅ ভিদিরে পত্তি পত্তম মরদ পূঅগুন মর্‌। এমন্‌ কি, তমার বেক্‌ য়েমানপালুনোর্‌ পত্তি চেলা ছগুনো মর্‌।”

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

লেবীয় 27:26

কনঅ য়েমানর্‌ পত্তম চেলা ছঅবো কনজনে লগেপ্রভুর নাঙে যুদো গুরি রাগেই ন-পারিবো, কিত্যে বেক্‌ য়েমানর্‌ পত্তম ছঅগুন্‌ লগেপ্রভুর। ছঅবো গোরুর ওক্‌ বা ভেড়ার ওক্ সিবে লগেপ্রভুর।

গণাণা 18:15

লগেপ্রভু ইদু ইস্রায়েলীয়গুনোর উৎসর্ব গোজ্যে পত্তিঘরর পত্তম মরদ পূঅবো তর্‌ অবঅ-তে মান্‌জ্যর ওক্‌ বা য়েমানর ওক্‌। মান্‌জ্যর পত্তম মরদ পূঅবোরে তুই হামাক্কায় উদ্ধোর্ গুরিবে আর অসিজি য়েমানর পত্তম চেলা ছঅবোরেয়ো তুই উদ্ধোর্ গুরিবে।

গণাণা 18:6

দান ইজেবে তমা আদত্‌ তুলি দিবাত্তে মুই নিজেই ইস্রায়েলীয়গুনো ভিদিরেত্তুন্‌ লেবীয়গুনোরে বেঈ লোইয়োং। মিলন-তাম্বুলোর কাম গুরিবাত্তে লগেপ্রভু ইদু তারারে উৎসর্ব গরা ওইয়্যে।

গণাণা 3:41

ইস্রায়েলীয়গুনোর্‌ বেক্‌ পত্তম মরদ্‌ পূঅগুনোর্‌ জাগানত্‌ লেবীয়গুনোর্‌ আর ইস্রায়েলীয়গুনোর্‌ য়েমান পত্তম ছঅবোর্‌ জাগানত্‌ লেবীয়গুনো য়েমানর্‌ পত্তম ছঅবো মর্‌ বিলিনে ধুরিবা। মুই লগেপ্রভু।”

গণাণা 33:4

মিসরীয়গুনে সেক্কে তারার্‌ পত্তম পূঅগুনোরে গোর্ দেদন। লগেপ্রভু তারার্‌ পত্তম পূঅগুনোরে মারে ফেলেয়্যে আর তারার্‌ দেব-দেবেদাগুনোরে সাজা দিয়্যে।

লূকে লেখ্যে গম্ হবর্ 2:23

কিয়া প্রভুর আইন-কানুনোত্ লেঘা আঘে, “পত্তমে জোর্মেয়্যে এবাবোত্যে পত্তি মরদ পুয়োরে প্রভুর্ বিলি ধরা অবঅ।”

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;