গণাণা 28:26 - Chakma Bible

²⁶ সাত সাপ্তার্ পরবর্‌ দিনোত্‌, অত্তাৎ পত্তমে তুল্যে ফসলর্ উৎসর্ব গুরিবার্‌ দিন্নোত্‌ যেক্কে তুমি লগেপ্রভুর্ নাঙে নূয়ো ফসল উৎসর্ব গুরিবা সেদিন্যে তমার্‌ এক্কো পবিত্র মিলন-সভা গরা পুরিবো আর সেদিন্যে তমার্‌ কনঅ দুঘোর্‌ কাম্‌ গরানা ন-চলিবো।

গণাণা 28:26 ပူးပေါင်းရင်းမြစ်များ

যাত্রা 12:16

পত্তম আর সাত দিনোত্‌ তুমি পবিত্র এগত্তর্ অইদে-তেম্মাং গুরিবা। এ দ্বিদিনোত্‌ তুমি নিজোর্‌ হানা বানানা বাদে আর কনঅ কাম্‌ ন-গুরিবা।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 34:22

গম কাবানার্‌ অক্তত্‌ পত্তম কাপ্যে গমুন্দোই সাত সাপ্তার্‌ পরব্‌ পালন্‌ গুরিবা আর চাষ কামর শেজ মাস্‌চোত্‌ পালন্‌ গুরিবা ফসল থুবেবার্‌ পরব্‌।

লেবীয় 23:8

এ সাত দিনোর্‌ পত্তি দিন লগেপ্রভুর্ নাঙে তমাত্তুন্‌ এক্কো গুরি আগুন্দোই-গোজ্যে উৎসর্বর্‌ অনুষ্ঠান গরা পুরিবো। সাত দিনোত্‌ তমার্‌ পবিত্র মিলন-সভা অবঅ আর সেদিন্যে তুমি কনঅ দুঘোর্ কাম্‌ গুরি ন-পারিবা।

গণাণা 28:18

পত্তম দিনোত্‌ এক্কো পবিত্র মিলন-সভা গরা পুরিবো আর সেদিন্যে তমার্‌ কনঅ দুঘোর্‌ কাম্‌ গরানা ন-চলিবো।

গণাণা 28:27

সেদিন্যে লগেপ্রভুরে খুজি গুরিবার তুম্বাজ্‌ ইজেবে তমার্‌ দ্বিবে বলদ, এক্কো ভেড়াছাগল আর সাত্তো এক বোজোজ্যে ভেড়াছাগলর-ছঅ দিইনে এক্কো পুজ্যে-উৎসর্বর অনুষ্ঠান গরা পুরিবো।

গণাণা 29:1

সাত মাজর্ পত্তম দিন্নোত্‌ তুমি এক্কো সুদ্ধো-সাংগ মিলন-সভা গুরিবা। সেদিন্যে তমার্‌ কনঅ দুঘোর্‌ কাম্‌ গরানা ন-চলিবো। সেদিন্নো অবঅ তমার্‌ শিংগা বাজেবার দিন।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।