গণাণা 28:19 - Chakma Bible

¹⁹ সেদিন্যে লগেপ্রভুর নাঙে আগুন্দোই-পুজ্যে উৎসর্ব ইজেবে দ্বিবে বলদ, এক্কো ভেড়াছাগল আর সাত্তো এক বোজোজ্যে ভেড়াছাগলর-ছঅ দিইনে পুজ্যে-উৎসর্বর অনুষ্ঠানান্‌ গরা পুরিবো। সিগুনোর্‌ পত্তিবো দাগ্‌-দুগ্‌ নেইয়্যে ওয়া পুরিবো।

গণাণা 28:19 ပူးပေါင်းရင်းမြစ်များ

২ বংশধর 35:12

মোশির বোইয়োত্‌ লেখ্যে উগুম্‌ মজিম লগেপ্রভুর নাঙে উৎসর্ব গুরিবাত্তে তারা পত্তি গুট্টিত্‌ নানান্‌ বাবোত্যে মানুচ্চুনোরে দিবাত্তে পুজ্যে-উৎসর্বর জিনিস্‌ছানি সোরেই রাগেলাক্‌। বলদ্‌তুনোর্‌ বেলায়য়ো তারা সেধোক্ক্যেন গুরিলাক্‌।

লেবীয় 1:3

যুনি তে পুজ্যে-উৎসর্বর্‌ অনুষ্ঠান্‌ গোরুলোই গুরিবাত্যে চায় সালে সিবে থুদো নেইয়্যে গোরু উয়ো পুরিবো। লগেপ্রভু যেনে তা উগুরে হুজি অয় সেনত্তে তাত্তুন্ সে গোরুবো মিলন-তাম্বুল দোরান ইদু আনা পুরিবো।

লেবীয় 22:20

দাগ্‌দুগ্‌ আঘে এধোক্ক্যেন কিজু যেন তে ন-আনে, কিত্যে সেক্কে তার কনঅ উপকারত্‌ ন-এবঅ।

গণাণা 28:20

শোজ্য-উৎসর্বত্তে এক্‌ এক্কো বলদ সমারে তেলর্‌ ময়ান দিইনে পাঁচ কেজি চেরশত্‌ গ্রাম নিগুজ্‌ মোয়দে দিয়্যে পুরিবো; ভেড়াছাগল্লো সমারে দিয়্যে পুরিবো তিন কেজি ছয়শত গ্রাম আর পত্তি ভেড়াছাগল-ছঅবো সমারে দিয়্যে পুরিবো এক কেজি আস্‌তোশত গ্রাম নিগুজ্‌ মোয়দ্যে।

গণাণা 28:31

এই বেক্‌ উৎসর্বগুন্‌ আর তা সমারে ঢালন-উৎসর্ব সমারে অক্ত মজিম্ পুজ্যে-উৎসর্ব আর তার্‌ লগে লগে শোজ্য-উৎসর্বর অনুষ্ঠানানঅ গরা পুরিবো। য়েমানুনোর কিয়্যেত্‌ যেন কনঅ দাগ-্‌দুগ্‌ ন-থায়।

গণাণা 29:8

লগেপ্রভুরে খুজি গুরিবার তুম্বাজ ইজেবে তমার্‌ এক্কো বলদ গোরু, এক্কো ভেড়াছাগল আর সাত্তো এক বোজোজ্যে ভেড়াছাগলর-ছলোই এক্কো পুজ্যে-উৎসর্বর অনুষ্ঠান গরা পুরিবো। সিগুনোর্ পত্তিবো দাগ্‌-দুগ্‌ নেইয়্যে ওয়া পুরিবো।

দ্বি’লম্বর বিররণ 15:21

মাত্তর্‌ সে য়েমানুনোর কনবোর্‌ যুনি কনঅ থুদো থায়, অত্তাৎ যুনি সিবে লেং বা কান্‌ অয় বা তার কিয়্যেত্‌ আর কনঅ দাঙর্‌ বাবোত্যে দুষ থায়, সালে সিবে তমা গোজেন লগেপ্রভুর নাঙে উৎসর্ব ন-গুরিবা।

দ্বি’লম্বর বিররণ 16:2

নিজোরে ফগদাং গুরিবাত্তে লগেপ্রভু তার থেবার জাগা ইজেবে যে জাগায়ান বেঈ নেযেব, সিয়েনত তুমি তমার গোরু বা ছাগল-ভেড়ার পালত্তুন য়েমান নেযেইনে তমার গোজেন লগেপ্রভুর নাঙে উদ্ধোর-পরবর্‌ উৎসর্ব গুরিবা।

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।