গণাণা 26:65 - Chakma Bible

⁶⁵ এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

গণাণা 26:65 ပူးပေါင်းရင်းမြစ်များ

গীতসংহিতা 37:9

পাজি মানুচ্চুনোরে ভস্ত গরা অবঅ, মাত্তর্ লগেপ্রভু উগুরে যিগুনে আজা রাগান্ তারা দেজর্ ভাগ্ পান।

যাত্রা 12:37

সে পরেদি ইস্রায়েলীয়গুনে রামিষেষত্তুন্‌ সুক্কোত ইন্দি যাহ্ ধুরিলাক্‌। প্রায় ছয়লাখ্ মরদপুয়ো আঢি আঢি গেলাক্‌। তারা সমারে মিলেমানুচ্‌ আর গুরো-গারায়ো এলাক্‌।

গণাণা 14:26

ইয়েনর্ পরেদি লগেপ্রভু মোশি আর হারোণরে কলঅ,

গণাণা 14:32

তমার্‌ মরা কিয়্যেগানি এই ধূল্যেচর-চাগালাত্‌ পড়ি থেবঅ।

গণাণা 14:35

এই পাজি জাদর্‌ মানুচ্চুনে যিগুনে মর্‌ বিরুদ্ধে দল পাগেয়োন্‌ তারা বেক্কুনে এই ধূল্যেচর জাগাদই শেজ্ ওই যেবাক। মুই লগেপ্রভু এই কধাগান কঙর্।”

গণাণা 14:38

বাঁজি রলাক্‌ বানা নূনোর পূঅ যিহোশূয়ো আর যিফুন্নির পূঅ কালেবে।

গণাণা 27:3

“আমা বাপ্পো ধূল্যেচর-চাগালাত্‌ মুরি যেইয়্যে। কোরহর যিদুক্কুন্‌ মান্‌জ্যে লগেপ্রভুর বিরুদ্ধে দল পাগেয়োন্‌ তে তারা ভিদিরে ন-এলঅ; তে নিজোর্‌ পাপ্পোই মুরি যেইয়্যে। তার্‌ কনঅ পূঅ ন-এলাক,

গণাণা 34:19

সেই নেতাগুন অলাক যিহূদা-গুট্টির যিফূন্নির পূঅ কালেব;

রোমীয় 11:22

সেনত্তে গোজেনে যে কত্তমান্ দোয়্যেলু আর আগাত্ত্যে সিয়েন একবার্ ভাবি চাহ্। যিগুনে পড়ি যেইয়োন্ তারা উগুরে তে দরমর, মাত্তর্ তঅ উগুরে তে দোয়্যেলু-খালিক্ যুনি তুই তার্ দোয়্যে ভিদিরে থাচ্। সেধোক্ক্যেন্ ন-অলে তরেয়ো কাবি ফেলা অবঅ।

যিহোশূয় 5:4

যিয়েনত্তে তে এ কামান্‌ গুরিলো সিয়েন অলঅ‌: যুদ্ধোত্‌ যেবাত্তে বয়স ওইয়্যে এধোক্ক্যেন যিদুক্কুন মরদ মানুচ্‌ মিসর দেজত্তুন নিগিলি এচ্ছ্যন্‌ তারা মিসরান্ ছাড়ি এজানার পরেন্দি পদথ্‌ ধূল্যেচর-চাগালাত্‌ মুরি যেইয়োন্‌।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।