গণাণা 26:5 - Chakma Bible

⁵ ইস্রায়েলর পত্তম পূঅ রূবেণর বংশধর: ইগুনে অলাক হনোকত্তুন্‌ হনোকীয় বংশ, পল্লুত্তুন্‌ পল্লুয়ীয় বংশ,

গণাণা 26:5 ပူးပေါင်းရင်းမြစ်များ

পত্থম 29:32

লেয়া পিদিলী অলঅ আর তার্‌ এক্কো পুয়ো অলঅ। তে পুয়োবো নাঙান্‌ রাগেল রূবেণ (যিয়েনর্ ভেদ্‌তান্ “উইয়ো চাহ্, এক্কো পুয়ো”), কিত্তে তে কোইয়্যেদে “লগেপ্রভু মঅ দুঃখান্‌ দেক্ক্যে, সেনত্তে ইক্কুনিত্তুন্‌ ধুরি মঅ নেক্কো হামাক্কায়্‌ মরে কোচ্‌পেবঅ।”

পত্থম 35:22

ইস্রায়েলে যেক্কে সে চাগালাত্ বজত্তি গরের্ সেক্কে রূবেণে তা বাপ আর এক্কো মোক্‌ বিল্‌হার সমারে ভান্ন্যেই কাম্‌ গুরিলো। কধাগান্‌ ইস্রায়েল কানত্‌ গেলঅ। যাকোবর বারজন পুয়ো এলাক।

পত্থম 35:23

লেয়ার পেদত্‌ যাকোবর পত্তম পুয়ো রূবেণর জর্ম ওইয়্যে। সে পরেদি জর্ম ওইয়্যে শিমিয়োন, লেবি, যিহূদা, ইষাখর আর সবূলূন।

১ বংশধর 5:1

ইস্রায়েলর্ দাঙর্‌ পুয়ো রূবেণ তা বাবর্ বিচ্ছোনান্‌ ফিবলা গোজ্যে বিলিনে দাঙর্‌ পুয়োবো অধিকারান্‌ আড়েইয়্যে। সে অধিকারান্‌ ইস্রায়েলর অন্য পুয়ো যোষেফর পুয়োগুনোরে দিয়্যে ওইয়্যে। সেনত্তে বংশগুনো নাঙানিত্‌ তা পোজিশনান্‌ দাঙর্‌ পুয়ো ইজেবে লেগা ন-অয়।

১ বংশধর 5:3

ইস্রায়েল দাঙর্‌ পুয়ো রূবেণ পুয়োগুন অলাক্‌ হনোক, পল্লু, হিষ্রোণ আর কর্মী।

যাত্রা 6:14

ইগুনে এলাক রূবেণ, শিমিয়োন আর লেবি-গুট্টির বংশর্‌ আজলুন্: ইস্রায়েল দাঙর্‌ পূয়ো রূবেণ পূয়োগুন্‌ অলাক হনোক, পল্লু, হিষ্রোণ আর কর্মি। ইগুনে রূবেণ গুট্টির বংশধর এলাক্।

গণাণা 1:20

ইস্রায়েলর্‌ দাঙর্‌ পূঅ রূবেণর বংশধরুনো ভিদিরে যিগুনোর্‌ বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন্‌, বংশ আর পরিবারর্‌ পরিচয় মজিম একজন একজন গুরি তারার্‌ নাঙানি লিগি নেযা অলঅ।

গণাণা 26:4

“লগেপ্রভু মোশিরে যে উগুমান দিয়্যে সেই মজিম তুমি কুড়ি বজর্‌ বা তাত্তুন্‌ বেশ্‌ বয়জর্‌ মরদ্‌ মানুচ্চুনোরে গুণি লঅ।” যে ইস্রায়েলীয়গুনে মিসর দেজত্তুন্‌ নিগিলি এচ্চ্যন্‌ মানুচ্‌ গুণিবার্‌ অক্তত্ তারার্‌ নাঙানি লেগা ওইয়্যে।

গণাণা 26:6

হিষ্রোণত্তুন্‌ হিষ্রোণীয় বংশ আর কর্মীত্তুন্‌ কর্মীয় বংশ।