গণাণা 26:10 - Chakma Bible

¹⁰ কোরহ সমারে এই দ্বিজনরেয়ো পিত্‌থিমীয়ানে আ গুরিনে গিলি ফেল্যে; আর কোরহর দল্লোর দ্বিশ পঞ্চাশ জন আগুনোত্‌ পুড়ি মুরি যেইয়োন। ইগুনে ইস্রায়েলীয়গুনোত্তে উঝিয়ার্‌ গুরিবার্‌ চিহ্নো ওই রলাক।

গণাণা 26:10 ပူးပေါင်းရင်းမြစ်များ

যাত্রা 16:35

মান্‌জে বজত্তি গরন্‌ এধোক্ক্যেন এক্কান জাগাত্‌, অত্তাত্‌ কনান দেজর্‌ দুঝিত্‌ ন-এজানা সং ইস্রায়েলীয়গুনে চোল্লিশ্‌ বজর্‌ ধুরিনে এই মান্নাগান হেইয়োন।

যিরমিয় 29:22

বাবিলোত্ থেইয়্যে যিহূদার বেক বন্দীগুন তারা কধানি ইদোত্ গুরিনে এ অভিশাব্‌পান বেবহার গুরিবাক্, ‘লগেপ্রভু তরে সিদিকিয় আর আহাব ধোক্ক্যেন গোরোক্, যিগুনোরে বাবিল রাজা আগুনোত্ পুজ্যে,’

যিহিষ্কেল 14:8

মুই সে মানুচ্চোর বিপক্ষে থিয়্যেম্ আর তারে এক্কান উদাহরন আর এক্কান দাগঅ কধা ধোক্ক্যেন গুরিম। মঅ মানুচ্চুনো ভিদিরেত্তুন্ মুই তারে কাবি ফেলেম। সেক্কে তুমি হবর্ পেবা যে, মুয়ই লগেপ্রভু।

গণাণা 16:38

পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”

গণাণা 17:3

লেবী-গুট্টির লুদিগোত্‌ লিগিবে হারোণর নাঙান, কিয়া পুরোণি মানুচ্চুনোর্ গুট্টি মজিম্ পত্তি গুট্টির নেতাগুনোত্তে এক্কো গুরি লুদিক্‌ থেবঅ।

গণাণা 27:3

“আমা বাপ্পো ধূল্যেচর-চাগালাত্‌ মুরি যেইয়্যে। কোরহর যিদুক্কুন্‌ মান্‌জ্যে লগেপ্রভুর বিরুদ্ধে দল পাগেয়োন্‌ তে তারা ভিদিরে ন-এলঅ; তে নিজোর্‌ পাপ্পোই মুরি যেইয়্যে। তার্‌ কনঅ পূঅ ন-এলাক,

দ্বি’লম্বর বিররণ 11:6

তে রূবেণ-গুট্টির ইলীয়াবর পূঅ দাথন আর অবীরাম উগুরে যিয়েনি গোজ্যে, অত্তাৎ যেধোক্ক্যেন গুরিনে বেক্‌ ইস্রায়েলীয়গুনোর্‌ সংমোধ্যে পিত্‌থিমীগানর্‌ মুয়োন্‌ খুলিনে তারার্‌ আর তারার্‌ পরিবারর্‌ মানুচ্চুনে, তারার্‌ তাম্বুলান আর তারার্‌ বেক্‌ জেদা পরাণবলাগুনোরে গিলি ফেলেয়্যে সিয়েনি তারা ন-দেগন্‌।

দ্বি’লম্বর বিররণ 28:46

এই অভিশাপ্পানি আমক্‌ অইদে চিহ্নো আর আমক্‌ কাম্‌ ইজেবে তমার আর তমার বংশধরুনো উগুরে জিংকানিবর্‌ থেবঅ।

২ পিতর 2:6

সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।