গণাণা 25:4 - Chakma Bible

⁴ লগেপ্রভু মোশিরে কলঅ, “তুই বেক্‌ ইস্রায়েলীয় নেতাগুনোরে ধুরিনে মারে ফেলা আর দিনো পহ্‌রত্‌ মঅ মুজুঙোত্‌ তারার্‌ কিয়্যেনি ফেলে রাগেচ্‌। সেক্কে ইস্রায়েলীয়গুনো উগুরেত্তুন্‌ মর্‌ সেই রাক্কান্‌ দূর অবঅ।”

গণাণা 25:4 ပူးပေါင်းရင်းမြစ်များ

২ শমূয়েল 21:6

তা বংশর সাতজন মরদরে আমা আাঢত্‌ তুলি দে। আমি লগেপ্রভুর বেঈ লোইয়্যে সে মানুচ্চুনোরে, অত্তাৎ শৌলর শঅর্‌ গিবিয়াতদ্‌ লগেপ্রভুরে সাক্ষী রাগেইনে তারারে মারে ফেলেবং আর বেক্কুনো মুজুঙোত্‌ তারার্‌ মরাকিয়্যেগানি ফেলেই রাগেবং।” সেক্কে রাজা কলঅ, “মুই তমা আঢত্‌ তারারে তুলি দিম্‌।”

গীতসংহিতা 106:29

এ বজং কামানিলোই তারা লগেপ্রভুরে রাগ্ তুলি দুয়োন্, সেনত্তে তারা ইদু বানা (সাজুরেদে পিড়ে) অলঅ।

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

যোনা 3:9

কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।

গণাণা 25:18

কিত্যে পিয়োরর্‌ দেবেদা পূজো আর কস্‌বীর বেপারান্‌দোই বুদ্ধি খাদেইনে তমারে ভুল্‌ পদথ্‌ নেযেইনে তারা তমার্‌ শত্রু ওইয়োন। তুই দঅ জানচ্‌, এই কস্‌বী এলদে তারার্‌ কুদুম্মো আর এক্কো মিদিয়নীয় সর্দারর ঝি। পিয়োরর্‌ বাল দেবেদা পূজোনার্‌ কারনে যেক্কে তমা ইদু ভানা দেগা দিয়্যে সেক্কে সেই মিলেবোরে মারে ফেলা ওইয়্যে।”

দ্বি’লম্বর বিররণ 13:11

সেক্কে ইস্রায়েলীয়গুনে বেক্কুনে সেই কধাগান শুনিনে দোরেবাক্‌ আর তমা ভিদিরে কনজনে আর এ ধোক্ক্যেন ভান্ন্যেই কাম্‌ ন-গুরিবাক।

দ্বি’লম্বর বিররণ 13:13

সিদুগোর্ ইস্রায়েলীয়গুনো ভিদিরে কিজু পাজি মানুচ্‌ দেগা দুয়োন যিগুনে সিদুগোর্ মানুচ্চুনোরে ইয়েন কোইনে ভান্ন্যেই পধেদি টানি নেযেয়োন, আদঅ, আমি দেব-দেবেদাগুনোরে পূজো গুরিই, যে দেব-দেবেদাগুনে তমা ইদু নূয়ো।

দ্বি’লম্বর বিররণ 13:15

মাত্তর্‌ সিদুগোর্‌ বেক্‌ আদাম্মেগুনোরে হামাক্কায় মারে ফেলা পুরিবো। সে আদামান বা শঅরান্ আর সিয়েনর মানুচ্চুন আর য়েমানপালুন তুমি বেক্কানি শেজ্ গুরি দিবা।

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

দ্বি’লম্বর বিররণ 21:22

যুনি কনঅ মানুচ্‌ মরণর সাজা পাইদ্যে ধোক্ক্যেন কনঅ দুজ্‌ গরে আর তারে মারে ফেলেইনে গাজত্‌ টাঙেনে রাগা অয়,

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

দ্বি’লম্বর বিররণ 4:3

লগেপ্রভু বাল-পিয়োরত্‌ যিয়েনি গোজ্যে সিয়েনি দঅ তুমি নিজোর্‌ চোগেদি দেখ্য। তমা ভিদিরে যিগুনে পিয়োরর বাল-দেবেদার্‌ পূজো গোজ্যন্‌ তমা গোজেন লগেপ্রভু তারারে বেক্কুনোরে তমা ভিদিরেত্তুন্‌ ভস্ত গোজ্যে,

যিহোশূয় 22:17

পিয়োরত্‌ আমি যে পাপ্পানি গোজ্যেই সিয়েনত্তে লগেপ্রভুর্‌ সমাজর মানুচ্চুনো ভিদিরে সাজুরেদে পিড়ে দেগা দিয়্যে; এজঅ‌ সং আমি সে পাপত্তুন্‌ নিজোরে সিজি ন-গুরিই। সে পাপর কারণে কি আমাত্তুন্‌ যদেষ্ট শিক্ষ্যে ন-অয়,

যিহোশূয় 23:2

একদিন্যে তে বেক্‌ ইস্রায়েলীয়গুনোরে, অত্তাৎ তারার্‌ বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিনে কলঅ‌, চঅ, মর্‌ বয়স বোউত্‌ ওইয়্যে, মুই বুড়ো ওইয়োং।