গণাণা 25:18 - Chakma Bible

¹⁸ কিত্যে পিয়োরর্‌ দেবেদা পূজো আর কস্‌বীর বেপারান্‌দোই বুদ্ধি খাদেইনে তমারে ভুল্‌ পদথ্‌ নেযেইনে তারা তমার্‌ শত্রু ওইয়োন। তুই দঅ জানচ্‌, এই কস্‌বী এলদে তারার্‌ কুদুম্মো আর এক্কো মিদিয়নীয় সর্দারর ঝি। পিয়োরর্‌ বাল দেবেদা পূজোনার্‌ কারনে যেক্কে তমা ইদু ভানা দেগা দিয়্যে সেক্কে সেই মিলেবোরে মারে ফেলা ওইয়্যে।”

গণাণা 25:18 ပူးပေါင်းရင်းမြစ်များ

পত্থম 26:10

অবীমেলকে কলঅ, “মাত্তর্‌ আমা সমারে তুই ইয়েন্‌ কেধোক্ক্যেন বেবহার গুরিলে? যে কনঅ মান্‌জে দঅ তঅ মোক্কোরে তারার ঘুম যেবার্‌ সমাজ্যে গুরি পারিদাক্‌। সেক্কে তুই পাপ দায়্যে আমারে দায়ী গুরিদে।”

পত্থম 3:13

সেক্কে লগেপ্রভু গোজেনে সে মিলেবোরে কলঅ, “তুই ইয়ান্‌ কি গোজ্যচ্‌?” মিলেবো কলঅ, “সেই সাপ্পো মরে ছলনা গুরি ভুলেয়্যে সেনত্যে মুই সিগুন হেইয়োং।”

১ রাজাবলী 11:18

তারা মিদিয়নত্তুন্‌ আঢা মারিনে পারণত্‌ যেইয়োন আর পরেন্দি সিয়োত্তুন্‌ কিজু মানুচ্‌ নেযেইনে তারা মিসরর্‌ রাজা ফরৌণর ইদু যেইয়োন্‌। ফরৌণ হদদরে ঘর, জাগা-জোমি আর হানা-দানা দিলো।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

যাত্রা 32:35

হারোণর্ বানেয়্যে গোরু ছবোলোই মানুচ্চুনে যিয়েনি গোজ্যন্‌ সিয়েনিত্যে লগেপ্রভু তারা উগুরে দাঙর্‌ দজা পাধেই দিলো।

গণাণা 25:15

যে মিদিয়নীয় মিলেবো মারে ফেলা ওইয়্যে তা নাঙান্‌ এলদে কস্‌বী। তে এলদে মিদিয়ন দেজর্‌ সূর নাঙে এক্কো বংশর নেতার ঝি।

গণাণা 25:17

“মিদিয়নীয়গুনোরে তুমি শত্রু ইজেবে দেগিবা আর তারারে মারে ফেলেবা,

গণাণা 26:1

ভানাগান্ থামেই যানার্‌ পরেদি লগেপ্রভু মোশি আর ধর্মগুরু হারোণর পূঅ ইলীয়াসররে কলঅ,

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।