গণাণা 24:8 - Chakma Bible

⁸ গোজেনে মিসর দেজত্তুন্‌ তারারে নিগিলেই আন্যে, তেয়ই তারার্‌ পক্ষেন্দি ঝাড়্‌বো গভর্‌ বল ধোক্ক্যেন। তারার্‌ বিরুদ্ধে যিদুক্কুন জাদে থিয়্যেবাক্ তারা তারারে গিলি ফেলেবাক্‌ তারার আরুন্‌ কট্টা কট্টা গুরিবাক, শেল্‌লোই তারারে আঘাত্‌ গুরিবাক।

গণাণা 24:8 ပူးပေါင်းရင်းမြစ်များ

গীতসংহিতা 2:9

লুয়ো শলালোই তুই তারারে ভাঙি ফেলেবে, নিগুজ্ গুরি দিবে মাত্যে পিলে ধোক্ক্যেন্।”

গীতসংহিতা 21:12

কিত্যে তুই তারার মুয়োনি চেইনে যেক্কে তর্ ধনুগান টানিবে, সেক্কেনে তারারে ধেই যেবাত্তে তুই বাধ্য গুরিবে।

গীতসংহিতা 45:5

রাজার শত্রুগুনোর বুগোত্ তর্ ধারেয়্যে সেল্‌‌লো ফুদেগোই; তর্ শত্রু জাদ্‌‌তুনে তর্ টেঙর তলে পড়ন্।

গীতসংহিতা 45:6

ও গোজেন, তর্ সিংহাসনান্ জিংকানিবর থিদেবর্ গোজ্যে; তর্ শাজনান্ ন্যায়র শাজন্।

যাত্রা 23:22

তুমি যুনি তা কধানি শুনো আর মুই যিয়েনি কোইয়োং সিয়েনি গরঅ‌ সালে মুই তমার শত্রুগুনোর্‌ শত্রু ওম্‌ আর যিগুনে তমা বিরুদ্ধে থিয়েবাক্ মুই তারা বিরুদ্ধেয়ো ঠিয়েম্‌।

যিশাইয় 38:13

বেন্যে পহ্‌র ন-অনা সং মুই নিজোরে শান্ত রাগেলুং। সিংহ ধোক্ক্যেন গুরি মঅ আড়ুন তুই ভাঙি দিলে; এক দিনো ভিদিরে তুই মরে শেজ্ গুরি দিবে।‌‍‌‌‌

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 50:9

মুই উত্তোরেদি দেজত্তুন্ দাঙর্ দাঙর্ জাদ্‌‌‍‍তুনোরে এগত্তর্ গুরিম আর তারারে রাগ্ তুলি দিইনে বাবিল বিরুদ্ধে আনিম। তারা বাবিল বিরুদ্ধে সৈন্যগুনোরে সাজেবাক্ আর সিয়েন গজক্ গুরিবাক্। কাবিল্ যোদ্ধাগুনে ধোক্ক্যেন তারার সেলুন্ বিফল ন-অবাক্।

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

গণাণা 23:22

মিসরত্তুন্‌ তে তারারে নিগিলেই আন্যে, তে তারার্‌ পক্ষেন্দি ঝাড়্‌বো গভর্‌ বলঅ ধোক্ক্যেন ।

গণাণা 23:24

এই বেক্‌ মানুচ্চুনে থিয়্যেই উদিবাক্‌ সিংহ ধোক্ক্যেন গুরি, আর সিংহ ধোক্ক্যেন গুরি নিজোরে দেগেবাক। শিগের্‌ গোজ্যে য়েমানর্ লো আর য়েরা খেই ন-পানা সং তারা ন-জিরেবাক্‌।”

দ্বি’লম্বর বিররণ 32:23

“মুই বেক্‌ দযাগানি আনিনে তারা উগুরে এগত্তর গুরিম; মর্‌ বেক্‌ সেলুন মুই তারা উগুরেই শেজ্‌ গুরিম্‌।

দ্বি’লম্বর বিররণ 32:42

মারে ফেলেইয়্যে আর বন্দী মানুচ্চুনোর লো হেইয়্যে মর্‌ সেলুনোরে মুই মাত্তল্‌ গুরি তুলিম্‌; মর্‌ তলোয়ারানে য়েরা হেবঅ, লাম্বা-চুলবলাবো শত্রুর মাদাবোর যেরা হেবঅ।”

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।