গণাণা 24:7 - Chakma Bible

⁷ বুয়োদে গুয়োড় কুমোত্তুন্‌ পানি উগুরি পরিবো, তারার্‌ বিঝিগুনে বোউত্‌ পানি পেবাক্। তারার্‌ রাজাবো অবঅ অগাগরত্তুন্‌ বেশ্‌ দাঙর্‌, তারার্‌ রেজ্যগান্‌ মহিমায় বোউত্‌ অজলত্ থেবঅ।

গণাণা 24:7 ပူးပေါင်းရင်းမြစ်များ

২ শমূয়েল 5:12

দায়ূদে সেক্কেনে বুঝিলো, লগেপ্রভু ইস্রায়েল উগুরে তার রাজপদ্‌তান্‌ থির্ গোজ্যে আর তা মানুচ্চুনোরে, অত্তাৎ ইস্রায়েলীয়গুনোত্তে তার্‌ রেজ্যগানর্‌ ভালেদি গোজ্যে।

১ রাজাবলী 4:21

ইউফ্রেটিস গাঙত্তুন্‌ আরাম্ভ গুরিনে মিসর আর পলেষ্টীয়গুনোর দেজর্‌ ধুজি সং বেক্‌ রেজ্যগানি শলোমনর্ শাজন্ অধীনোত্‌ এলঅ। শলোমনে যেদকদিন বাঁজি এলঅ সেদকদিন এ দেজ্‌ছানি তারে চান্দা দিদো আর তা অধীনোত্‌ এলঅ।

১ রাজাবলী 5:1

সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

১ বংশধর 14:2

সেক্কে দায়ূদে বুঝি পারিলো, লগেপ্রভু ইস্রায়েল উগুরে তা রাজপদতান্‌ ঠিগ্‌ গোজ্যে আর তা মানুচ্চুনোর্‌, অত্তাৎ ইস্রায়েলীয়গুনোত্তে তা রেজ্যগান্‌ বোউত্‌ ভালেদি গোজ্যে।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

ইষ্টের 3:1

এ ঘটনাগানর পরেন্দি রাজা অহশ্বেরশে অগাগীয় হম্মদাথার পূঅ হামনরে রেজ্যর অন্য দাঙর্ পোজিশনর্ মানুচ্চুনোত্তুন্‌ বেশ্‌ দাঙর্‌ পোজিশন্ দিইনে সর্মানিত গুরিলো।

গীতসংহিতা 18:43

ও লগেপ্রভু, মানুচ্চুনোর উল্লোমিত্তুন্ তুই মরে উদ্ধোর্ গোজ্যস্, অন্য জাদ্‌‌তুনো উগুরে মরে নেতা বানেয়োচ্; মুই যিগুনোরে ন-চিনিদুং তারায়ো মঅ তলেদি ওইয়োন।

গীতসংহিতা 68:26

তমার বেক তেম্মাঙুনোত্ গোজেনরে বাঈনী গরঅ; তুমি যিগুনে ইস্রায়েল-বংশর মানুচ্, তুমি লগেপ্রভুর বাঈনী গরঅ।

গীতসংহিতা 72:11

বেক রাজাগুনে তাইদু মাঢা নিগিরোদোক্ আর বেক জাদ্‌তুনে তারে সেবা গোরোদোক্।

গীতসংহিতা 89:27

মুইয়ো তারে মর্ পত্তম পুয়ো বানেম; পিত্‌থিমীর রাজাগুনো ভিদিরে তারে আজল্লো গুরিম।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 48:1

ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

গণাণা 24:20

অমালেকীয়গুনোরে দেগিনে বিলিয়মে গোজেনর্‌ দিয়্যে এ কধাগান কুয়ো ধুরিলো: “বেক্‌ জাদ্‌তুনো ভিদিরে অমালেকীয়গুনে দাঙর্ এলাক্‌, মাত্তর্‌ ভস্ত ওইনে শেজ্ অবাক্।”

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 17:1

যে সাতজন স্বর্গদূতো আঢত্ সাত্‌টো কদরা এলাক্ তারাত্তুন্ একজনে এইনে মরে কলঅ, “বজমান পানি উগুরে যে দাঙর্ বেশ্যেবো বৈ আঘে, আয়, মুই তার সাজা তরে দেগাং।

ফগদাং পেইয়্যে 17:15

সে পরেদি সেই স্বর্গদূত্‌তো মরে কলঅ, “তুই যে পানিগান দেখ্যচ্, যিবে উগুরে সেই বেশ্যেবো বৈ আঘে, সিয়েনি অলঅ ভালোক্কানি দেশ্, ভালোক্কুন মানুচ্‌, ভালোক্কুন জাত্ আর ভালোক্কানি ভাষা।

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”