গণাণা 24:20 - Chakma Bible

²⁰ অমালেকীয়গুনোরে দেগিনে বিলিয়মে গোজেনর্‌ দিয়্যে এ কধাগান কুয়ো ধুরিলো: “বেক্‌ জাদ্‌তুনো ভিদিরে অমালেকীয়গুনে দাঙর্ এলাক্‌, মাত্তর্‌ ভস্ত ওইনে শেজ্ অবাক্।”

গণাণা 24:20 ပူးပေါင်းရင်းမြစ်များ

পত্থম 36:12

এষৌ পুয়ো ইলীফসর তিম্না নাঙে এক্কো লাঙনি এলঅ। তা পেদত্‌ অমালেকর জর্ম ওইয়্যে। ইগুন বেক্কুন এষৌর মোক্‌ আদার নাদিন্।

১ বংশধর 4:43

আগেন্দি অমালেকীয়গুনোর কিজু মানুচ্‌ সেয়ীরোত্‌ ধেই এইনে সিদু বজত্তি গুরিলাক্‌। শিমিয়োনীগুনোর সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। শিমিয়োনীয়গুনে সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। এজঅ সং তারা সিদু বজত্তি গত্তন্‌।

ইষ্টের 3:1

এ ঘটনাগানর পরেন্দি রাজা অহশ্বেরশে অগাগীয় হম্মদাথার পূঅ হামনরে রেজ্যর অন্য দাঙর্ পোজিশনর্ মানুচ্চুনোত্তুন্‌ বেশ্‌ দাঙর্‌ পোজিশন্ দিইনে সর্মানিত গুরিলো।

ইষ্টের 9:14

রাজা সিয়েন্‌ গুরিবাত্তে উগুম দিলো। শূশনত্‌ রাজার সেই উগুমান ফগদাঙ্‌ গরা অলঅ আর মানুচ্চুনে হামনর দোশ্‌চো পূঅরে ফাসি দিলাক্‌।

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যাত্রা 17:16

মোশি কলঅ, “লগেপ্রভুর্‌ সিংহাসনর বিরুদ্ধে আত্‌ তুলো ওইয়্যে, সেনত্যেই বংশর পর বংশ ধুরিনে লগেপ্রভু অমালেকীয়গুনোর্‌ বিরুদ্ধে থেবঅ‌।”

যাত্রা 17:8

এই সময়োত্‌ অমালেকীয় সৈন্যগুনে ইস্রায়েলীয়গুনো সমারে যুদ্ধো গুরিবাত্তে রফীদীমোত্‌ লুমিলাক্‌।

গণাণা 24:19

যাকোবর্ বংশত্তুন এক্কো শাজন্ গুরিয়্যে এবঅ, শঅরর্‌ বাদবাগি বাঁজি থেইয়্যে ইদোমীয়গুনোরে তে ভস্ত গুরি ফেলেব।’”

গণাণা 24:24

সাইপ্রাস দ্বীবোর্ দুজিত্তুন্ জাহাজ এইনে দমন গুরিবো আসিরীয় আর এবরীয়গুনোরে; মাত্তর্‌ সাইপ্রাসর মানুচ্চুনে ভস্ত ওই যেবাক্।”

গণাণা 24:7

বুয়োদে গুয়োড় কুমোত্তুন্‌ পানি উগুরি পরিবো, তারার্‌ বিঝিগুনে বোউত্‌ পানি পেবাক্। তারার্‌ রাজাবো অবঅ অগাগরত্তুন্‌ বেশ্‌ দাঙর্‌, তারার্‌ রেজ্যগান্‌ মহিমায় বোউত্‌ অজলত্ থেবঅ।

বিচের গুরিয়্যেগুন 6:3

ইস্রায়েলীয়গুনে যেক্কে তারার্‌ ভূইয়ানিত্‌ বিজ্‌ ফেলেদাক্‌ সেক্কে মিদিয়নীয়গুনে, অমালেকীয়গুনে আর পূগেন্দি দেজর্‌ মানুচ্চুনে এইনে তারার্‌ দেজ্‌চান আক্রমণ গুরিদাক্‌।

১ শমূয়েল 14:48

তে বীরো ধোক্ক্যেন যুদ্ধো গুরিনে অমালেকীয়গুনোরে ওদেই দিইনে লুদেয়্যেগুনোর আঢত্তুন্‌ ইস্রায়েলীয়গুনোরে রোক্ষে গোজ্যে।

১ শমূয়েল 15:2

বেগত্তুন্ খেমতাবলা লগেপ্রভু কত্তে, ‘ইস্রায়েলীয়গুনে মিসর দেজত্তুন্‌ এজানার পদথ্‌ অমালেকীয়গুনে তারার পিজেন্দি থিয়্যেয়োন্‌ বিলি মুই তারারে সাজা দিম।

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।

১ শমূয়েল 30:17

দায়ূদে সেদিন্যে বেল্যেত্তুন্‌ ধুরি আরাম্ভ গুরিনে তারকেল্যে সাজোন্যে সং তারার্‌ লগে যুদ্ধো গুরিলো। তারা ভিদিরেত্তুন্‌ কনজনে রোক্ষ্যে ন-পেলাক্, বানা চেরশত্‌ গাবুজ্যে উদোর্‌ পিদিত্‌ গুরিনে ধেই গেলাক্‌।