গণাণা 23:1 - Chakma Bible

¹ পরেদি বিলিয়মে বালাকরে কলঅ, “তুই মত্তে ইয়েনত্‌ সাত্তো পূজো বানেইনে সাত্তো বলদ গোরু আর সাত্তো ভেড়া ছাগল উৎসর্বত্তে যুক্কোল্ গুরিচ্‌।”

গণাণা 23:1 ပူးပေါင်းရင်းမြစ်များ

২ রাজাবলী 18:22

মাত্তর্‌ তুমি যুনি মরে কঅ, তুমি তমা গোজেন লগেপ্রভু উগুরে বিশ্বেজ্ গোজ্য, সালে তে কি সে গোজেন নয় যিবে পূজো অজল্‌ জাগানি আর ডালিপূজোগুন্‌ হিষ্কিয় ভস্ত গোজ্যে আর যিহূদা আর যিরূশালেমর মানুচ্চুনোরে কোইয়্যেদে যিরূশালেমর এ পূজোবো মুজুঙোত্‌ তারাত্তুন্‌ তবনা গরা পুরিবো?

১ বংশধর 15:26

যে লেবীয়গুনে লগেপ্রভুর বেবস্থা-সুন্দুক্কো বুয়োই আন্যন্‌ গোজেনে তারারে পরিচালনা গোজ্যে বিলিনে সাত্‌তো বলদ্‌ আর সাত্‌তো ভেড়া ছাগল্‌ উৎসর্ব গরা অলঅ।

২ বংশধর 29:21

তারা রেজ্যত্তে, তবনা-ঘরত্তে আর যিহূদার মানুচ্চুনোত্তে পাপ-উৎসর্ব ইজেবে সাত্‌তো বলদ, সাত্‌তো ভেড়াছাগল, সাত্‌তো ভেড়া ছাগল ছঅ আর সাত্‌তো ছাগল আনিলাক্‌। সে পরেন্দি রাজা ধর্মগুরুগুনোরে, অত্তাৎ হারোণর বংশধরুনোরে সিগুন্‌ লগেপ্রভুর পূজোবো উগুরে উৎসর্ব গুরিবাত্তে উগুম্‌ দিলো।

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

যিহিষ্কেল 45:23

পরবর্ সাত দিনোর্ পত্তি দিন তে লগেপ্রভুর নাঙে পূজ্যে-উৎসর্বত্তে তুদো নেইয়্যে সাত্‌‌‌তো গোরু আর সাত্‌‌‌তো ভেড়া দিবো আর পাপ-উৎসর্বত্তে এক্কো পাদা ছাগল দিবো।

গণাণা 22:41

তার্‌ কেল্যে বেন্যেমাদান্ বালাকে বিলিয়মরে নেযেইনে বামোৎ-বাল মুড়োবোত্‌ গেলাক্। বিলিয়মে সিয়োত্তুন্‌ ইস্রায়েলীয়গুনোর্‌ এক্কো ভাগ দেগিলো।

গণাণা 23:2

বালাকে বিলিয়মর কধা মজিম কাম্‌ গুরিলো আর দ্বিজনে মিজেইনে পত্তি পূজো উগুরে এক্কো গুরি বলদ গোরু আর এক্কো গুরি ভেড়াছাগল উৎসর্ব গুরিলাক্।

গণাণা 23:29

সেক্কে বিলিয়মে কলঅ, “ইয়েনত্‌ মত্তে সাত্তো পূজো বানেচ্‌ আর সাত্‌তো বলদ গোরু আর সাত্‌তো ভেড়াছাগল উৎসর্ব গুরিবাত্তে যুক্কোল গুরিচ্‌।”

গণাণা 23:30

বিলিয়মর্‌ কধা মজিম বালাকে সিয়েনোই গুরিলো। তে পত্তি পূজো উগুরে এক্কোত্‌ দরে বলদ গোরু আর এক্কোত্‌ দরে ভেড়াছাগল উৎসর্ব গুরিলো।

গণাণা 29:32

উৎসবর্ সাত দিনোত্‌ সাত্তো বলদ গোরু, দ্বিবে ভেড়াছাগল আর চৌদ্দোবো এক বোজোজ্যে ভেড়াছাগলর-ছঅ উৎসর্ব গরা পুরিবো। ইগুনোর এক এক্কো দাগ্‌দুগ্‌ নেইয়্যে ওয়া পুরিবো।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।