গণাণা 22:38 - Chakma Bible

³⁸ জোবত্‌ বিলিয়মে কলঅ, “মুই ইক্কিনে তইদু এচ্চ্যং। মাত্তর্‌ মর্‌ নিজোর্‌ কনঅ কধা কবার্‌ সাধ্য নেই। গোজেনে যে কধাগান্‌ মর্‌ মুয়োন্দি যোগেই দিবো মত্তুন বানা সিয়েনোই কুয়ো পুরিবো।”

গণাণা 22:38 ပူးပေါင်းရင်းမြစ်များ

১ রাজাবলী 22:14

মাত্তর্‌ মীখায় কলঅ, “জেদা লগেপ্রভুর নাঙে কঙর্, লগেপ্রভু মরে যিয়েনি কবঅ মুই বানা সে কধানি কোম্‌।”

১ রাজাবলী 22:16

রাজা তারে কলঅ, “কয়বার্‌ মুই তরে এ শমক্‌কান্ গুরিবাত্তে কোম্‌, লগেপ্রভুর নাঙে তুই সত্য কধাগান বাদে আর কিচ্ছু ন-কবে?”

২ বংশধর 18:13

মাত্তর্‌ মীখায় কলঅ, “জেদা লগেপ্রভুর নাঙে কঙর্, মর্‌ গোজেনে যিয়েন্‌ কবঅ মুই বানা সে কধাগান হোম্‌।”

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 47:12

“যেদক্কানি যাদুবিদ্যে আর মন্ত্রতন্ত্রত্তে তুই চিগোনত্তুন্ ধুরি কাম্ গরর্ সিয়েনি তুই চালেই যাহ্। অয়ত তুই সফল অবে, অয়ত তুই দর্ দেগেই পারিবে।

গণাণা 22:18

জোবত্ বিলিয়মে তারারে কলঅ, “বালাকে যুনি সনা-রূবোয় ভোজ্যে তার্‌ রাজঘরান মরে দে তো মর্‌ গোজেন লগেপ্রভুর উগুমোর্‌ বারেন্দি যেইনে মুই কনঅ কাম্‌ গুরি ন পারিম-কামান্‌ চিগোন ওক্‌ বা দাঙর্‌ ওক।

গণাণা 22:37

বালাকে বিলিয়মরে কলঅ, “মুই কি তরে যাদিমাদি ডাগি আনিবাত্তে ন-পাদাং? সালে কিত্তে তুই মইদু ন-এজচ্‌? তরে বক্‌শিজ্ দিবার্‌ খেমতা কি মর্‌ নেই?”

গণাণা 22:39

ইয়েনর্ পরেদি বিলিয়মে বালাক সমারে কিরিয়ৎ-হুষোৎ আদামত্‌ গেলঅ।

গণাণা 22:8

সেক্কে বিলিয়মে তারারে কলঅ, “তুমি ইয়েনত্‌ রেত্তো কাদঅ। লগেপ্রভু মরে যে জোব্‌পান্‌ দিবো সিয়েন মুই তমারে জানেম।” সেনত্তেই মোয়াবীয় নেতাগুনে তা সমারে থেলাক্।

গণাণা 23:16

লগেপ্রভু বিলিয়ম সমারে দেগা গুরিনে তার্‌ মুয়োন্দি কদক্কানি কধা যোগেই দিইনে কলঅ, তুই বালাক ইদু ফিরি যেইনে তারে এই কধানি কঅ।

গণাণা 23:26

জোবত্‌ বিলিয়মে কলঅ, “মুই কি তরে ন-কং, লগেপ্রভু যিয়েনি কবঅ সিয়েনি মত্তুন্‌ গরা পুরিবো?”

গণাণা 24:13

যুনিয়ো বালাকে সোনা-রূবোয় ভোজ্যে রাজ্‌ঘরান্‌ মরে দে তো মর্‌ নিজোর্‌ আওজে মুই গম্‌-ভান্ন্যেই কিচ্ছু গুরি ন-পারিম বা লগেপ্রভুর্‌ উগুমোর্‌ বারেন্দি যেই ন-পারিম, আর লগেপ্রভু যিয়েনি কবঅ বানা সিয়েনিই মত্তুন্‌ কুয়া পুরিবো।