গণাণা 22:16 - Chakma Bible

¹⁶ তারা বিলিয়ম ইদু যেইনে কলাক্কে, “সিপ্পোরর পূঅ বালাকে এই কধাগান কোইয়্যে, কনঅ কিজুয়ে যেনে তরে তাইদু যেবাত্তে মানা ন-গরন্‌।

গণাণা 22:16 ပူးပေါင်းရင်းမြစ်များ

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

দানিয়েল 2:48

সে পরেদি দানিয়েলরে রাজা এক্কান দাঙর্ পোজিশন্ দিলো আর বোউত্ গম্ গম্ বক্‌‌‌শিজ্ দিলো। তে তারে গোদা বাবিল রেজ্যর্ আজল্ পরিচালক ইজেবে নেযেল আর তার্ বেক সল্লাদিয়্যেগুনোর্ ভারান্ তা উগুরে দিলো।

গণাণা 22:15

সেক্কে বালাকে অন্য নেতাগুনোরে পাদেল। তারা আগর নেতাগুনোত্তুন্‌ জনেদি যেধোক্ক্যেন বেশ্‌ সেধোক্ক্যেন আরঅ সর্মানি।

গণাণা 22:17

তে তরে বোউত্‌ সর্মানর অধিকারী গুরিবো আর তুই যিয়েন্‌ কবে সিয়েনোই গুরিবো। তে চাইদে যেনে তুই যেইনে তার পক্ষত্তুন্‌ সেই মানুচ্চুনোরে অভিশাব্ দুয়োচ্‌।”

গণাণা 22:37

বালাকে বিলিয়মরে কলঅ, “মুই কি তরে যাদিমাদি ডাগি আনিবাত্তে ন-পাদাং? সালে কিত্তে তুই মইদু ন-এজচ্‌? তরে বক্‌শিজ্ দিবার্‌ খেমতা কি মর্‌ নেই?”