গণাণা 22:12 - Chakma Bible

¹² মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 22:12 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

২ বংশধর 31:10

সেক্কে সাদোকর্‌ বংশর অসরিয় নাঙে আজল্‌ ধর্মগুরুবো জোবত্‌ কলদে, “লগেপ্রভুর ঘরত্‌ মানুচ্চুনে যেক্কে তারার্‌ দানুন্‌ আনদে আরাম্ভ গুরিলাক্‌ সেক্কেত্তুন্‌ ধুরি আমা খানাগানিয়ো যেধোক্ক্যেন যগাজ্যে ওইয়্যে সেধোক্ক্যেন বেশ্‌অ আঘে বোউত্‌, কিত্যে লগেপ্রভু তা মানুচ্চুনোরে আশিদ্‌বাদ গোজ্যে, আর এ বেক্‌ জিনিসছানি ভালোক্কানি উগুজ্যে।”

গীতসংহিতা 144:15

বর্ পেইয়্যে সেই জাদ্‌তো, যিবের্ অবস্থা এবাবোত্যে অয়। বর্ পেইয়্যে সেই জাদ্‌তো, লগেপ্রভু যিগুনোর্ গোজেন।

গীতসংহিতা 146:5

বর্‌পেইয়্যে সেই মানুচ্চো, যাকোবর গোজেন যিবের সাহায্যগুরিয়্যে, গোজেন লগেপ্রভু উগুরে যিবের্ আজা।

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 22:11

‘মিসর দেজত্তুন্‌ একদল মানুচ্‌ নিগিলি এইনে দেজ্‌ছানরে ঢাগি ফেলেয়োন। ইক্কিনে তুই এইনে মর্‌ পক্কত্তুন এই মানুচ্চুনোরে অভিশাব্ দেগি। সালে অয়ত মুই যুদ্ধো গুরিনে ইগুনোরে ধাবেই দি পারিম।’”

গণাণা 22:13

তার্‌কেল্যে বেন্যে বিলিয়মে ঘুমোত্তুন্‌ উদিনে বালাকে পাদেয়্যে নেতাগুনোরে কলঅ, “তুমি নিজো দেজত্‌ ফিরি যঅ। লগেপ্রভু মরে তমা সমারে যেবাত্তে দেদে রাজী নয়।”

গণাণা 22:6

এই মানুচ্চুনে মত্তুন্‌ বেশ্‌ বোলী; সেনত্তে তুই এইনে এই মানুচ্চুনোরে অভিশাব দেগি। সালে অয়ত মুই তারারে অদেই দিইনে দেজত্তুন্‌ দাবেই দি পারিম্‌। মুই এই কধাগান্‌ হবর্ পাং, তুই যারারে আশিদ্‌বাদ গরছ্‌ তারা হামাক্কায়্‌ আশিদ্‌বাদ পান্‌ আর যিগুনোরে অভিশাব দুয়োচ্‌ তারা উগুরে অভিশাব্ পড়ে।”

গণাণা 23:23

যাকোব উগুরে কনঅ যাদুবিদ্যে ন-খাদেব; ইস্রায়েল উগুরে ন-খাদেবে কনঅ তন্ত্রমন্ত্র। যাকোব, অত্তাৎ ইস্রায়েল পৌইদ্যেনে ইক্কিনে এই কধানি কুয়া যায়, ‘গোজেনে যিয়েনি গোজ্যে সিয়েনি চাহ্।’

গণাণা 23:3

সে পরেদি বিলিয়মে বালাকরে কলঅ, “যে য়েমানুন্‌দোই পুজ্যে-উৎসর্বর অনুষ্ঠানান গরা অলঅ তুই সিগুনো ইদু থাক্‌ আর মুই উন্দি যাঙর্‌। দগেনলে লগেপ্রভু মঅ লগে দেগা গুরিবাত্তে এবঅ। তে মইদু যিয়েনি ফগদাঙ্‌ গুরিবো মুই সিয়েনি তইদু কোম্‌।” এই কধাগান কোইনে বিলিয়মে এন্‌ এক্কো মুড়ো উগুরে উদিলো যিয়েনত্‌ কনঅ গাজ্‌পালা ন-এলাক্।

গণাণা 23:8

গোজেনে যিগুনোরে কনঅ অভিশাব ন-দে, কেন্‌জান্ গুরি মুই তারারে অভিশাব দিম্‌? লগেপ্রভু যিগুনোর বিরুদ্ধে কুমংগলর্‌ কধা ন-কয়, কেন্‌জান্ গুরি মুই তারার্‌ বিরুদ্ধে কুমংগলর্‌ কধা কোম্‌?

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

দ্বি’লম্বর বিররণ 23:5

মাত্তর্‌ তমার গোজেন লগেপ্রভু বিলিয়মর কধালোই ন-শুনে; তমারে কোচ্‌পায় বিলিনে তে এধোক্ক্যেন্‌ গোজ্যে যেনে সেই অভিশাপ্পান তমার আশিদ্‌বাদ ওই উদে।

দ্বি’লম্বর বিররণ 28:6

পত্তিদিনোর ঝিংকানিত্‌ তুমি আশিদ্‌বাদ পেবা।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

দ্বি’লম্বর বিররণ 7:14

অন্য বেক্‌ মানুচ্চুনোত্তুন্ তুমি বেশ্‌ বর্ পেবা। তমাত্তুন্‌ কনজনে গুর-গারা নেইয়্যে ন-থেবাক্‌ আর তমা পালত্তুন কনঅ য়েমান ছঅছাড়া ন-থেবাক্‌।