গণাণা 21:34 - Chakma Bible

³⁴ সেক্কে লগেপ্রভু মোশিরে কলঅ, “রাজা ওগরে ন-দোরেয়ো, কিত্যে মুই তার্‌ দেজ্‌ছান আর তারে আর তার্‌ বেক্‌ সৈন্য-সামন্তরে তর্‌ আঢর্ মুদোত্‌ দি দুয়োং। ইমোরীয়গুনোর রাজা সীহোন, যে হিষ্‌বোনোত্‌ রাজাগিরি গুরিদো, তুই তার্‌ অবস্থাগান্ যিয়েন গোজ্জ্যস্‌ তার্‌ অবস্থায়ো সেধোক্ক্যেন্ গুরিবা।”

গণাণা 21:34 ပူးပေါင်းရင်းမြစ်များ

২ শমূয়েল 5:19

দায়ূদে সেক্কে লগেপ্রভুরে পুযোর্‌ গুরিলো, “মুই কি পলেষ্টীয়গুনোরে আক্রমণ গুরিম? তুই কি তারারে মঅ আঢত্‌ তুলি দিবে?” লগেপ্রভু কলঅ, “অয়, যাহ্। মুই হামাক্কায় তঅ্‌ আঢত্‌ পলেষ্টীয়গুনোরে তুলি দিম্।”

১ রাজাবলী 20:13

এ ভিদিরে ইস্রায়েলর রাজা আহাবর ইদু ইক্কো ভাববাদী এইনে এ কধাগান ফগদাঙ্‌ গুরিলো, “লগেপ্রভু কোইয়্যেদে, ‘তুই জদবদে দাঙর্‌ সৈন্যদল্লো দেগর্‌? এচ্ছ্যে মুই তারারে তঅ আঢত্‌ তুলি দিম্‌ আর সেক্কে তুই হবর্ পেবেদে, মুয়ই লগেপ্রভু।’”

১ রাজাবলী 20:28

সেক্কে গোজেনর্ ইক্কো মানুচ্‌ এইনে ইস্রায়েলর রাজারে কলঅ, “লগেপ্রভু এ কধাগান কত্তে, ‘অরামীয়োগুনে মনে গোজ্যন্‌ লগেপ্রভু মুড়ো-মুড়ির্‌ গোজেন, কিজিঙোর্‌ গোজেন্‌ নয়; সেনত্তে মুই এ দাঙর্‌ সৈন্যদল্লোরে তঅ আঢত্‌ তুলি দিম্‌, আর সেক্কে তুমি জানি পারিবা, মুই লগেপ্রভু।’”

২ রাজাবলী 3:18

ইয়েন্‌ লগেপ্রভুর ইদু মাবুলি কাম্‌। সিয়েন্‌বাদে তে মোয়াব দেজ্‌ছানঅ তমা আঢত্‌ তুলি দিবো।

যিশাইয় 41:13

কিত্তে মুই লগেপ্রভু, তর্ গোজেন; মুই তর্ ডেন আঢ্‌‌‌‌তান ধুরি আগং আর তরে কঙত্তে, ন-দোরেচ্; মুই তরে সাহায্য গুরিম।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

দ্বি’লম্বর বিররণ 3:1

ইয়েনর্ পরেন্দি আমি ঘুরিনে বাশন দেজ ইন্দি যেবার্‌ পথ্‌তান্ ধুরিনে উজেই গেলং। আমা সমারে যুদ্ধো গুরিবাত্তে বাশনর রাজা ওগ তার্‌ বেক্‌ সৈন্যগুন নেযেইনে নিগিলিনে ইদ্রিয়ী শঅরত্‌ এলাক।

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 7:17

তুমি মনে মনে কোই পারঅ, এ জাদর্‌ মানুচ্চুনে আমাত্তুন্‌ সোংখ্যেন্দি বেশ্‌; আমি কেধোক্ক্যেন গুরি তারারে ধাবেই দিইনে নিগিলেই দিবোং?

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।

যিহোশূয় 10:25

যিহোশূয় তারারে কলঅ, “তুমি ন-দোরেয়ো, আশা ন-আরেয়ো। তুমি বোলী অ আর মনত্‌ সাহস আনঅ। তুমি যিদুক্কুন শত্রুর্‌ লগে যুদ্ধো গুরিবাত্তে যেবা তারার বেক্কুনোর অবস্থা লগেপ্রভু এ দোক্ক্যেন্‌ গুরিবো।”

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

যিহোশূয় 8:7

সেক্কে তুমি সে গুমুরো জাগানত্তুন্ উদি যেইনে শঅ‌রান গজক্ গুরি নেযেবা। তমা গোজেন লগেপ্রভু সিয়েন তমা আদত্‌ তুলি দিবো।

বিচের গুরিয়্যেগুন 11:30

যিপ্তহ ইয়েন কোইনে লগেপ্রভুর ইদু এক্কান তবনা গুরিলো, “তুই যুনি মঅ আদত্‌ অম্মোনীয়গুনোরে তুলি দুয়োচ্‌ সালে অম্মোনীয়গুনোর লগে যুদ্ধোত্‌ জিদিনেই ফিরি এবার সময়োত্‌ যে মরে আগ্‌বারেই নিবাত্তে ঘরত্তুন্‌ দোরোর বারেন্দি এবঅ তেয়ই লগেপ্রভুর অবঅ। তারে দিইনে মুই এক্কান পুজ্যে-উৎসর্বর অনুষ্ঠান গুরিম্‌।”

১ শমূয়েল 23:4

সেক্কে দায়ূদে আরঅ লগেপ্রভুররে পুযোর্‌ গুরিলো আহ্‌ লগেপ্রভু জোবত্‌ তারে কলঅ, “তুই কিয়ীলাদত্‌ যাহ্, মুই তর্‌ আঢত্‌ পলেষ্টীয়গুনোরে তুলি দিম।”