গণাণা 21:25 - Chakma Bible

²⁵ ইস্রায়েলীয়গুনে হিষ্‌বোন আর তার্‌ কায়-কুরে আদামানি সুদ্ধো ইমোরীয়গুনোর বেক্‌ শঅরানি গজক্ গুরি নিলাক আর সিয়েনত্‌ বজত্তি গরা ধুরিলাক্।

গণাণা 21:25 ပူးပေါင်းရင်းမြစ်များ

পরমগীত 7:4

এদো দাদর্ অজল্ চুগিদার-ঘর ধোক্ক্যেন্ তঅ গত্তনাবো, তর্ চোগ্ দ্বিবে বৎ-রব্বীমর গেদো ইদু হিষ্‌বোনর্ পুয়োরুনো ধোক্ক্যেন্। তঅ নাগ্‌‌কো যেন দামেস্ক ইন্দি মু লেবাননর্ অজল্ চুগিদার-ঘর।

যিশাইয় 15:4

হিষ্‌বোন আর ইলিয়ালী কানের্; তারার মুয়ো রগুন্ যহস সং শুনো যার্। সেনত্তে মোয়াবর্ সৈন্যগুনেয়ো কানদন্ আর তারার মনানি দরে গির্‌‌‌গিরের্।

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

যিরমিয় 48:34

“তারার্ কানানি রঅগুন্ হিশ্‌‌‌‌‌‌‌‌বোনত্তুন ইলিয়ালী আর যহস সং, সোয়রত্তুন্ হোরোণয়িম আর ইগ্লৎ-শলিশীয়া সং লুম্মেগোই, কিত্তে নিম্রীমর পানিগানঅ শুগেই যার্।

যিরমিয় 48:45

“হিশ্‌বোনর ছাবাত্ ধেই যেইয়্যে মানুচ্চুনে অসহায় ওইনে থিয়্যেই আগন্, কিত্তে হিশ্‌‌‌‌‌বোনত্তুন আগুন আর সীহোনর ভিদিরেত্তুন্ আগুনোর জিল্ নিগিল্যে; সিয়েনে মোয়াবর কবালান আর বেজাল্ গোজ্যে বাড়্‌‌‌‌‌গোজ্যেগুনো মাঢাগুনোর তাল্লোগান পুড়ি দিয়্যে।

যিহিষ্কেল 16:46

তঅ দাঙর্ বোন্নো শমরিয়া; তা ঝিগুনোরে নিইনে তে তঅ উত্তোরেদি বজত্তি গরে। তঅ চিগোন বোন্নো অলঅ সদোম; তে তার ঝিগুনোরে নিইনে তর্ দোগিণেদি বজত্তি গরে।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 16:53

যাওক্, মুই সদোম আর তার মিলেগুনোরে, শমরিয়া আর তার মিলেগুনোরে আর তারা লগে লগে তর্‌অ অবস্থা ফিরেম।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

গণাণা 21:26

হিষ্‌বোন অলদে ইমোরীয়গুনোর রাজা সীহোনর রাজধানী। তে মোয়াব দেজর আগঅ রাজাবোর্‌ লগে যুদ্ধো গুরিনে তাত্তুন্‌ অর্ণোন গাঙ্‌ সং বেক্‌ দেজ্‌চান্‌ গজক্ গুরি নেযেয়্যে।

গণাণা 21:31

ইয়েনর্ পরেদি ইস্রায়েলীয়গুনে ইমোরীয়গুনোর দেজত্‌ বজত্তি গরা ধুরিলাক্।

গণাণা 32:3

“অটারোৎ, দীবোন, যাসের, নিম্রা, হিষ্‌বোন, ইলিয়ালী, সেবাম, নবো আর বিয়োন নাঙে যেদক্কানি জাগা লগেপ্রভু ইস্রায়েলীয়গুনোর্‌ অধীনোত্‌ আন্যে সে জাগায়ানি য়েমান্‌ পালেবাত্তে অমহদ দোল্‌, আর তর্‌ এই চাগরুনোরঅ য়েমানপাল আগন্‌।

দ্বি’লম্বর বিররণ 2:12

সেয়ীরত্‌ হোরীয়গুনে বজত্তি গুরিদাক, মাত্তর্‌ পরেন্দি এষৌর বংশধরুনে তারারে সিয়োত্তুন্‌ ধাবেই দুয়োন। লগেপ্রভু সোম্বোত্তি ইজেবে ইস্রায়েলীয়গুনোরে যে দেজ্‌ছান্‌ দিয়্যে সিয়েনত্‌ তারা যিয়েনি গোজ্যন্‌ এষৌর্‌ বংশধরুনেয়ো ঠিগ্ সিয়েনোই গুরিলাক; তারা হোরীয়গুনোরে শেজ্ গুরি দিইনে তারার্‌ জাগানিত্‌ নিজে বজত্তি গরা ধুরিলাক্‌।

যিহোশূয় 24:8

ইয়েনর্ পরেন্দি মুই যর্দনর পূগেন্দি আদাম্মে ইমোরীয়গুনোর দেজত্‌ তমারে আনিলুং। তারা তমা বিরুদ্ধে যুদ্ধো গুরিলাক্‌ মাত্তর্‌ মুই তমা আঢত্‌ তারারে তুলি দিলুং। তমা মুজুঙোত্তুন্‌ মুই তারারে ভস্ত গুরি ফেলেলুং আর তুমি তারার্‌ দেজ্‌চান গজক্ গুরি নেযেলা।

বিচের গুরিয়্যেগুন 11:26

এচ্চ্যে তিনশত্‌ বজর ধুরিনে ইস্রায়েলীয়গুনে হিষ্‌বোনত্‌ আর অরোয়র শঅ্‌র আহ্‌ তারার কায়-কুরে আদামানি আর অর্ণোন গাঙর্‌ পাড়ত্‌ বেক্‌ আদামানিত্‌ বজত্তি গুরি এত্তন্‌। সেক্কেনে তুই সিয়েনি কিত্তেই আরঅ গজক্‌ গুরি ন-নেযাচ্‌?