গণাণা 20:25 - Chakma Bible

²⁵ হারোণ আর তার্‌ পূঅ ইলীয়াসররে নেযেইনে তুই হোর মুড়োবো উগুরে যাহ্।

গণাণা 20:25 ပူးပေါင်းရင်းမြစ်များ

ইষ্রা 7:5

বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

গণাণা 3:4

মাত্তর্‌ নাদব আর অবীহূ সিনাই ধূল্যেচর-চাগালাত্‌‌ লগেপ্রভুর্‌ নাঙে সুদোমর্‌ বারেন্দি আগুন্দোই পোইরেক জ্বালেবার সময় লগেপ্রভুর মুজুঙোত্ মুরি যেইয়োন। তাঁরার কনঅ পূঅ ন-এলাক বিলিনে ইলীয়াসর আর ইথামরর্‌ বাপ্পো বাঁজি থাগদে ধর্মগুরু ইজেবে সেবার্‌ কাম্‌ গোজ্যে।

দ্বি’লম্বর বিররণ 10:6

ইস্রায়েলীয়গুনে পরেন্দি বেরোৎ-ঝারর্‌-যাকনত্তুন্‌ রওনা ওইনে মোষেরোদোত্‌ লুমিলাক্। সিয়োদোই হারোণে মুরি যেইয়্যে আর তারে গোর্ দিয়্যে ওইয়্যে। তার্‌ পূঅ ইলিয়াসরে তা জাগানত্‌ দাঙর্‌ ধর্মগুরু ওইয়্যে।