গণাণা 20:2 - Chakma Bible

² সেই জাগানত্‌ পানি ন-থানায়্‌ ইস্রায়েলীয়গুনে মোশি আর হারোণর বিরুদ্ধে দল পাগেলাক্।

গণাণা 20:2 ပူးပေါင်းရင်းမြစ်များ

গীতসংহিতা 106:32

মরীবার পানি পারত্ তারা লগেপ্রভুরে রাগ তুলি দুয়োন্; তারাত্তে মোশি দযাত্ পল্ল।

যাত্রা 16:12

“ইস্রায়েলীয়গুনে মর্‌ বিরুদ্ধে যেদক্কানি কধা কদন্‌ সিয়েনি মুই শুন্যং। তারারে এই কধাগান্‌ কোই‌ দুয়ো, তারা সাজোন্যা অক্তত্‌ য়েরা হেবাক্‌ আর বেন্যে মাদান হেবাক্‌ পেট ভরন্‌ পিদে। সেক্কে তারা জানি পারিবাক্‌, মুই লগেপ্রভু তারার্‌ গোজেন।”

যাত্রা 16:2

সিন ধূল্যেচর-চাগালাত ইস্রায়েলীয়গুনোর্‌ গোদা দল্লো মোশি আর হারোনর বিপক্ষে নানান্‌ কধা কুয়ো দোজ্যন্‌।

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

গণাণা 16:3

তারা মোশি আর হারোণর বিপক্ষে দল বুদি এইনে কলাক্, “তুমি অমকদ বাড়াবাড়ি গরর্‌। গোদা ইস্রায়েলীয় সমাজ্‌সো পত্তিজনই লগেপ্রভুর নাঙে যুদো গোজ্যে আর লগেপ্রভুয়ো তারা সমারে আঘে। মাত্তর্‌ তুমি কিত্তে লগেপ্রভুর মানুচ্চুনো উগুরে নিজোরে তুলি ধোজ্য?”

গণাণা 16:42

মাত্তর্‌ যেক্কে সমাজর্‌ বেক্‌ মানুচ্চুনে মোশি আর হারোণর বিপক্ষে এগত্তর্ ওইনে মিলন-তাম্বুলো ইন্দি ঘুরিনে থিয়্যেলাক্‌ সেক্কে অদাদৎ্‌ মিলন-তাম্বুলান সে মোক্ক্যেন্দি ঢাগি গেলঅ আর লগেপ্রভুর মহিমা ফুদি উদিলো।