গণাণা 2:2 - Chakma Bible

² মিলন-তাম্বুলত্তুন্‌ কিজু দূরোত্‌ সিয়েনর্‌ চেরোকিত্তে ইস্রায়েলীয়গুনে তারার্‌ তাম্বুলান্‌ টাঙেবাক্‌। পত্তি জনত্তুন তার্‌ চাগালার বাবতা আর বংশর নিশান ইদু থাহ্ পুরিবো।

গণাণা 2:2 ပူးပေါင်းရင်းမြစ်များ

গীতসংহিতা 74:4

যিয়েনত্ তঅ সমারে আমার এগত্তর্ অদঅ সেই জাগানত শত্রুগুনে রঅ ছাড়ি নিগিল্যন্, সিয়েনত্ তারা নিজোর বাবতাগান উড়েয়োন্।

গীতসংহিতা 76:11

তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্‌গরেপারা তার নাঙে চেরোকিত্তে দেজত্তুন্ মানুচ্চুনে বক্‌শিজ্ আনোদোক্।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

সখরিয় 9:16

সেদিন্যে তারার্ গোজেন লগেপ্রভু ভেড়া পাল ধোক্ক্যেন গুরি তা মানুচ্চুনোরে উদ্ধোর্ গুরিবো। তারা তা দেজত্ মুকুটো ভিদিরে মণি-মানেগ ধোক্ক্যেন চক্‌‌‌চক্ গুরিবো।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 10:14

পৌইল্যান্দি যাহ্ ধুরিলাক যিহূদা-ভাগর নানান্‌ বাবোত্তে দলুন্ তারার বড় চাগালার্ বাবতাগানর্ তলে। যিহূদা-গুট্টির নেতা এলঅ অম্মীনাদবর পূঅ নহশোনে।

গণাণা 10:18

ইগুনোর্ পরেদি যাহ্ ধুরিলাক রূবেণ-ভাগর নানান্‌ বাবোত্যে দলুন তারার বড় চাড়ালার্ বাবতাগানির্ তলে। রূবেণ-গুট্টির নেতা এলঅ শদেয়ূরোর পূঅ ইলীষূর।

গণাণা 10:22

ইগুনোর পরেদি যাহ্ ধুরিলাক ইফ্রয়িম-ভাগর নানান্‌ দলুনে তারার বড় চাগালার্ বাবতাগানর্ তলে। ইফ্রয়িম-গুট্টির নেতা এলঅ অম্মীহূদোর্‌ পূঅ ইলীশামা।

গণাণা 10:25

বেক্কুনে যেরেন্দি যাহ্ ধুরিলাক দান-ভাগর নানান্‌ দলুন তারার্‌ বড় চাগালার্ বাবতাগানর্ তলে। ইগুনে রোক্ষ্যেগুরিয়ে দল ইজেবে বেক্‌ দলুনোর পিজেন্দি গেলাক্। দান-গুট্টির নেতা এলঅ অম্মীশদ্দয়র পূঅ অহীয়েষর।

গণাণা 2:1

ইয়েনর্ পরেদি লগেপ্রভু মোশি আর হারোণরে কলদে,

গণাণা 2:10

দোগিণেদি তাম্বুল টাঙেবাক্ রূবেণ-চাগালার মানুচ্চুনে। রূবেণ-গুট্টির নেতা অলঅ শদেয়ূরোর পূঅ ইলীষূর আর তা মানুচ্চুন জনেদি অলাক্ ছয়চোল্লিশ আজার্ পাচশত।

গণাণা 2:3

যিহূদা-চাগালার মানুচ্চুনে মিলন-তাম্বুলর্ পূগেন্দি তাম্বুলান টাঙেবাক্। যিহূদা-গুট্টির নেতা অলঅ অম্মীনাদবর পূঅ নহশোন আর তার মানুচ্চুন অলাক চুয়োত্তুর্‌ আজার্ ছয়শত।

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

১ করিন্হীয় 14:33

গোজেনে বিশৃঙ্খলার গোজেন নয়, তে শান্তির্ গোজেন। গোজেন মানুচ্চুনোর্ বেক্ মন্ডলীগুনোত্ যেবাবোত্যে ওই থায়,

১ করিন্হীয় 14:40

বেক্কানি যেন যগাজ্জ্যেগুরিনে আর গুচ্চ্যেয়্যে গুরিনে গরা অয়।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

যিহোশূয় 3:4

সেক্কে তুমি বুঝি পারিবা তমাত্তুন কন্‌ পদেন্দি যাহ্‌ পুরিবো, কিত্যে তুমি ইয়েনর আগেন্দি কনদিনঅ‌ এ পথ্‌তানন্দি ন-যঅ‌। মাত্তর্‌ তুমি সাক্ষ্য-সুন্দুগো ইত্তুন্‌ প্রায় দ্বিআজার আত্‌ দুরোত্‌ থেবা, তাইদু ন-যেবা।”