গণাণা 19:16 - Chakma Bible

¹⁶ যুদ্ধোত্‌ বা এনেবাদে মুরি যেইনে খোলা মাদত্‌ পড়ি আগন্‌ এধোক্ক্যেন কাররে যুনি কনজনে ধরন্‌ সালে তে সাত দিন সং অসিজি অবস্থায় থেবঅ। কনজনে যুনি মান্‌জ্যর্‌ হাড়্‌ বা গোর্ ধরন্‌ সালে তেয়ো সাত দিন সং অসিজি অবস্থায় থেবঅ।

গণাণা 19:16 ပူးပေါင်းရင်းမြစ်များ

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিহিষ্কেল 44:26

সিজি অলে পরেদি তাত্তুন্ সাত দিন বাজ্জ্যেই থাহ্ পড়িবো।

লেবীয় 21:1

ইয়েনর্ পরেদি লগেপ্রভু মোশিরে কলঅ, তুই ধর্মগুরুগুনোরে, অত্তাৎ হারোণর্‌ পূঅগুনোরে কোই দে, তারার্‌ কুদুম্মোগুনো ভিদিরে কনজনে মুরি গেলে সিয়েনর্‌ কারনে কনঅ ধর্মগুরুর্‌ নিজোরে ফি-বলা গরানা ন-চলিবো।

গণাণা 19:11

যুনি কনজনে কারর্ মরাকিয়্যে ধরন সালে তে সাতদিন সং অসিজি অবস্থায় থেবঅ।

গণাণা 19:15

সে জাগানত্‌ যিদুক্কুন্‌ পানির ড্রাম ঢাগনি দিইনে বন্ধ গরা ন-অয় বিলি খুলো অবস্থায় এলাক সিগুনও অসিজি ওই যেইয়োন।

গণাণা 31:19

“তমা ভিদিরে যিগুনে কাররে মাজ্যন্‌ বা মারে ফেলেইনে কাররে ধোজ্যন্‌ তারাত্তুন সাত দিন সং তাম্বুলোর্‌ বারেন্দি থাহ্ পুরিবো। তিন দিনোত্‌ বা সাত দিনোত্‌ তমার্‌ নিজোর্‌ বা বোন্দী গুরি আন্যে মানুচ্চুনোরে সিজি গুরি নেযা পুরিবো।

গণাণা 5:2

তুই ইস্রায়েলীয়গুনোরে এই উগুমান্‌ দে যেনে তারা তাম্বুলোত্তুন এমন্‌ বেক্‌ মানুচ্চুনোরে সোরেই দুয়োন্‌ যিগুনোর্‌ কনঅ চামাড়া রুগ আঘে বা যিগুনোর্‌ কিয়্যেত্তুন্‌ কনঅ রকম্‌ স্রাব অর্‌ বা মরাকিয়্যের্‌ কারনে যিগুনে ফি-বলা ওইয়োন্‌।

গণাণা 6:6

এ সময়ত্‌ তে কনঅ মরাকিয়্যের্‌ কায়কুরে যেই ন-পারিবো।

গণাণা 9:6

সেই সময়োত্‌ তারা ভিদিরে কয়েকজন মান্‌জ্যে এক্কো মরাকিয়্যে ধরানার্‌ কারনে ফি-বলা দজাত্‌ পুরিনে সেদিন্যে উদ্ধোর্ অনার-পরপ্পো পালন গুরি ন-পারিলাক্। তারা সেদিন্যে মোশি আর হারোণ ইদু গেলাক্।

মথি লেখ্যে গম্ হবর্ 23:27

ফক্কর্ ধর্ম-মাষ্টর্ আর ফরীশীগুন, তমাত্যে কত্তমান্ দর্‌গরেপারা! তুমি চিবিদিলোই বানেয়্যে গৌর ধোক্ক্যেন্, যিয়েনর বারেদিগান্ দোল্ মাত্তর্ ভিদিরেদিগান্ মরা মান্‌জ্য আড়্-গোড়া আর নানান্ বাবোত্যে কজরালোই ভোজ্যে।

লূকে লেখ্যে গম্ হবর্ 11:44

তমাত্যে কত্তমান্ দর্‌গরেপারা ! তুমি দঅ চিহ্নো ন-দিয়্যে গৌর ধোক্ক্যেন্। মান্‌‌জ্যে হবর্ ন-পেইয়্যে গুরি সিয়েন উগুরেদি আঢি যান্।”