গণাণা 18:23 - Chakma Bible

²³ লেবীয়গুনে মিলন-তাম্বুলো কাম্‌ গুরিবাক আর সে পৌইদ্যেনে তারার্‌ বেক্‌ অন্যেইয়ানিত্তে তারাই দায়ী অবাক্‌। বংশর পর বংশ ধুরিনে ইয়েনোই অবঅ এক্কান উমরর্ সুদোম্। অন্য ইস্রায়েলীয়গুনো ভিদিরে লেবীয়গুনে কনঅ সোম্বোত্তির গিরোজ্ ন-অবাক্‌।

গণাণা 18:23 ပူးပေါင်းရင်းမြစ်များ

যাত্রা 27:21

এই মিলন-তাম্বুলর্‌ সাক্ষ্য-সুন্দুগো মুজুঙোত্‌ যে পর্দাগান্‌ থেবঅ‌ সেই পর্দাগানর্‌ বারেদি হারোণ আর তার্‌ পূঅগুনে সাজোন্যেত্তুন্‌ ধুরি বেন্যেমাদান সং লগেপ্রভুর্‌ মুজুঙোত্‌ চেরাক্কুন্‌ দেগাশুনো গুরিবাক্। ইস্রায়েলীয়গুনে যেনে বংশর্‌ পর্‌ বংশ্‌ ধুরিনে আজল সুদোম্‌ ইজেবে ইয়েনি পালন গরন্‌।

যিহিষ্কেল 44:10

ইস্রায়েলীয়গুনে যেক্কে ভান্ন্যেই পধেদি যেইয়োন সেক্কে তারা লগে যে লেবীয়গুনে মরে ছাড়িনে তারার্ মূত্তিগুনো পিজেদি ঘুরি বেড়েইনে মত্তুন্ দূরোত্ সুরি যেইয়োন তারার্ পাপর্ ফল তারাত্তুন্ ভুগো পড়িবো। ‌

গণাণা 18:1

লগেপ্রভু হারোণরে কলঅ, “পবিত্র তাম্বুলোর বিরুদ্ধে যেদক্কানি অন্যেয় গরা অবঅ তার্‌ ভারান্ নেযা পুরিবো তত্তুন্‌, তর্‌ পূঅগুনোর আর তর্‌ বংশর অন্য মানুচ্চুনোর্। ইয়েনবাদে ধর্মগুরুর্ কামানিত্ যেদক্কানি অন্যেয় অবঅ তার ভারান্অ তত্তুন্‌ আর তর্‌ পূঅগুনোত্তুন্‌ বুয়োই নেযা পুরিবো।

গণাণা 18:20

ইয়েনর্ পরেদি লগেপ্রভু হারোণরে কলঅ, ইস্রায়েলীয়গুনোর দেজত্‌ তুই কনঅ সোম্বোত্তির গিরোজ্ ন অবে আর ভুই-জোবিনোর্‌ কন ভাগঅ তুই ন পেবে। ইস্রায়েলীয়গুনো ভিদিরে মুয়ই তর্‌ পাওনা ভাগ, মুয়ই তর্‌ সোম্বোত্তি।

গণাণা 19:21

ইস্রায়েলীয়গুনোত্তে ইবে অবঅ এক্কো থিদেবর্ গোজ্যে সুদোম। “যে মানুচ্চো এই সিজি গুরিবার্‌ পানিগান্‌ ছিদিবো তাত্তুনো তার্‌ কাবড়-চুগোরানি ধোই ফেলা পুরিবো। যুনি কনজনে এই সিজি গরেদে পানিগান্‌ ধরন্‌ সালে তে সাজোন্যা সং অসিজি অবস্থায় থেবঅ।

গণাণা 26:62

এক মাস বা তাত্তুন্‌ বেশ্‌ বয়জর্‌ লেবীয় মরত্তুনোর্‌ সোংখ্যে এলাক্‌ তেইশ আজার্। ইস্রায়েলীয়গুনো ভিদিরে ইগুনোরে কনঅ জাগাত্‌ অধিকার্‌ দিয়্যে ন-অয় বিলি অন্য ইস্রায়েলীয়গুনো সমারে ইগুনোরে গোণা ন-অয়।

গণাণা 3:7

তারা বেক্‌ ইস্রায়েলীয়গুনোর্‌ ওইনে মিলন-তাম্বুলোত হারোণর অধীনোত্‌ থেবার-তাম্বুলর কাম্‌ গুরিবাক।

গণাণা 35:29

তুমি দেজ ভিদিরে যিয়োদোই বজত্তি গত্তা সাৎ, বংশর পর বংশ ধুরিনে তমাত্তে ইয়েনি অলঅ আইনোর্‌ কদক্কানি ধারা।

দ্বি’লম্বর বিররণ 10:9

সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

যিহোশূয় 13:14

মাত্তর্‌ লেবি-গুট্টিবোরে মোশি কনঅ সোম্বোত্তির অধিকারী ন-গরে, কিত্যে লগেপ্রভুর শমক্‌ মজিম্ ইস্রায়েলীয়গুনোর গোজেন্‌ লগেপ্রভুর নাঙে আগুন্দোই-গোজ্যে উৎসর্বর্‌ জিনিস্‌চানি অলঅ‌ তারার্‌ সোম্বোত্তি।