গণাণা 17:6 - Chakma Bible

⁶ সেনত্তেই মোশি বেক্‌ কধানি ইস্রায়েলীয়গুনোরে জানেল, আর পুরোণি মানুচ্চুনোর গুট্টি মজিম্ তারার্‌ পত্তি গুট্টির-নেতাগুনে তারে এক্কো গুরি বেক্কুনে বারোবো লুদিক্ দিলাক্। সেই লুদিক্কুনো ভিদিরে হারোণর লুদিক্কোয়ো এলঅ।

গণাণা 17:6 ပူးပေါင်းရင်းမြစ်များ

যিহিষ্কেল 37:20

তুই যে লুদিক্ দ্বিবে উগুরে লেখ্যচ্ সিবে তারা চোগো মুজুঙোত্ তুলি ধুরিনে তারারে কবে, প্রভু লগেপ্রভু কোইয়্যেদে, ইস্রায়েলীয়গুন যিদুক্কুন জাদ ভিদিরে আগন্ সিয়োত্তুন মুই তারারে নিগিলেই আনিম। মুই চেরোকিত্তেত্তুন্ তারারে এগত্তর্ গুরিনে তারা নিজো দেজত্ ফিরেই নেযেম।

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

গণাণা 17:5

মর্‌ বেঈ লোইয়্যে মানুচ্চোর লুদিক্কো উগুরে অংকুর দেগা যেবঅ। ইঙিরিনে তমা বিপক্ষে ইস্রায়েলীয়গুনোরে আমিঝে বক্‌বক্‌ গুরিবার্‌ আদত্তুন্‌ মুই রেহাই পেম্‌।”

গণাণা 17:7

মোশি সেই লুদিক্কুন্ লোইনে সাক্ষ্য-সিন্দুগো ভিদিরে লগেপ্রভুর মুজুঙোত্ রাগেল।