গণাণা 17:11 - Chakma Bible

¹¹ লগেপ্রভু মোশিরে যে উগুমগান্ দিলো তে ঠিগ্ সিয়েনোই গুরিলো।

গণাণা 17:11 ပူးပေါင်းရင်းမြစ်များ

২ বংশধর 19:10

নানান্‌ আদামত্‌ আর শঅরত্‌ বজত্তিগুরিয়্যে তমা মানুচ্চুনো ইত্তুন্‌ যে কনঅ মামলা এদঅ সাৎ-সিয়েন্‌ লো ঝড়েদে ধোক্ক্যেন ওক্‌ বা রীদি-সুদোম, উগুম, সুদোম বা হুকুমোর্‌ বেপার ওক্‌-তুমি তারারে উজিয়ার গুরি দিবা যেনে তারা লগেপ্রভুর চোগেন্দি দুষী ন-অন্‌। সিয়েন্‌ ন-অলে তমারে আর তমা মানুচ্চুনো উগুরে লগেপ্রভুর রাগ্‌কান লামি এবঅ। তুমি এধোক্ক্যেন গুরিনে কাম্‌ গরঅ, সালে তুমি দুষি ন-অবা।

লেবীয় 16:15

পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 16:16

ইস্রায়েলীয়গুনে যে পাপ্পানি গুরি থেদাক্‌ সাৎ, তারার্‌ সে ফি-বলাগান্‌ আর অবাধ্যগানর্‌ কারনে দাঙর পবিত্র জাগানর্‌ ফি-বলাগান্‌ হারোণে ইঙিরিনে ঢাগি দিবার্‌ সুদোম গুরিবো। ইস্রায়েলীয়গুনোর্‌ ফি-বলাগানর্‌ সংমোধ্যে থিয়্যেই থেইয়্যে মিলন-তাম্বুলত্তেয়ো তাত্তুন্‌ সে এক্কুই বেবস্থা গরা পুরিবো।

গণাণা 11:33

মাত্তর্‌ সেই য়েরানি মুয়োত্‌ দিইনে চাবাদে ন-চাবাদে মানুচ্চুনোর বিরুদ্ধে লগেপ্রভুর রাগ্‌কান্ জুলি উদিলো। তে তারা উগুরে এক্কান্‌ দর্‍গরেপারা ভানা পাধেই দিলো।

গণাণা 17:10

ইয়েনর্ পরেদি লগেপ্রভু মোশিরে কলঅ, “উল্লোমি গুরিয়েগুনো ইদু এক্কান মনত্‌ রাগেবার চিহ্নো ওই থেবাত্তে তুই হারোণর লুদিক্কো আরঅ সাক্ষ্য-সিন্দুগোর মুজুঙোত্‌ রাগেই দে। ইয়েন্দোই তুই মঅ বিরুদ্ধে তারার্‌ বক্‌বক্‌ গরানাগান্ থামেই দি পারিবে, যিয়েনত্যে তারা আর ন-মুরিবাক।”

গণাণা 17:12

এদক্কানি দিগিনে ইস্রায়েলীয়গুনে মোশিরে কলাক্, “আমি মুরি গেলং, শেজ্ ওই গেলং, বেক্কুনে শেজ্ ওই গেলং!