গণাণা 16:39 - Chakma Bible

³⁹ যে মানুচ্চুনোরে পুড়িনে মারে ফেলা ওইয়্যে তারার্‌ আন্যে পিদলর পৌইরেগর্ কদরাগুন্‌ ধর্মগুরু্‌ ইলীয়াসরে এগত্তর্‌ গুরিলো। সে পরেদি পূজোবো ঢাগিবাত্তে তে সিগুনোরে পিদেইনে চাগা গুরি ফেলেল।

গণাণা 16:39 ပူးပေါင်းရင်းမြစ်များ

১ বংশধর 24:2

হারোণে মুরি যেবার্‌ আগেন্দি নাদব আর অবীহূ কনঅ পুয়ো ন-রাগেইনে মুরি গেলাক্; সেনত্তে ইলিয়াসর আর ঈথামর ধর্মগুরুগুনোর কামানি গুরিদাক্‌।

২ বংশধর 26:18

তারা তারে মানা গুরিবাত্তে কলাক্‌, “উষিয়, লগেপ্রভুর নাঙে আগর্‌বাট্টি জ্বালেবার অধিকার তর্‌ নেই। হারোণর বংশধরুন, যিগুনোরে আগর্‌বাট্টি জ্বালেবাত্তে ফারক্‌ গরা ওইয়্যে, সে ধর্মগুরুগুনোর অধিকার আঘে। এ সুদ্ধো-সাংগ জাগানত্তুন্‌ তুই নিগিলি যাহ্, কিত্তে তুই পাপ গোজ্যস্‌। ইয়েনত্তে গোজেন লগেপ্রভু হামাক্কাই তরে সাজা দিবো।”

গণাণা 16:38

পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।