গণাণা 16:29 - Chakma Bible

²⁹ এই বেক্‌ মানুচ্চুনোর যুনি স্বাভাবিক মরণ অয়, আর অন্য মানুচ্চুনোর যেধোক্ক্যেন অয় সেধোক্ক্যেন্‌ যুদো গুরি কিচ্ছু ন-অয় সালে বুঝো পুরিবো লগেপ্রভু মরে ন-পাদায়।

গণাণা 16:29 ပူးပေါင်းရင်းမြစ်များ

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

১ রাজাবলী 22:28

সেক্কে মীখায় কলঅ, “যুনি তুই হামাক্কাই দোলেডালে ফিরি এজস্‌ সালে হ্‌বর পেবে লগেপ্রভু মঅ মাধ্যমে কধা ন-কয়।” সে পরেন্দি তে আরঅ কলঅ, “তুমি বেক্কুনে মঅ কধাগান্‌ শুনো।”

২ বংশধর 18:27

সেক্কে মীখায় কলঅ, “যুনি তুই হামাক্কাই গমেডালে ফিরি এজস্‌ সালে জানিবেদে লগেপ্রভু মর্‌ মাধ্যমে কধা ন-কয়।” সে পরেন্দি তে আরঅ কলঅ, “তুমি বেক্কুনে মঅ কধাগান্‌ শুনো।”

ইয়োব 35:15

তুই আরঅ কত্তে, তে রাগে সাজা ন-দে আর বজঙন্দি গমেডালে খিয়েল্ ন-গরে।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিরমিয় 5:9

মুই লগেপ্রভু পুযোর্ গরঙর্, ইয়েনত্তে কি মুই তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্?

আবিলেচ্ 4:22

ও সিয়োন-ঝিবো, তঅ সাজাগান শেজ্ অবঅ; তে তরে আর্ বন্দীদজাত্ ফেলেই ন-রাগেব; মাত্তর্ ও ইদোম্-ঝিবো, তে তর্ অন্যেয়র সাজা দিবো আর তঅ পাপ্‌পানি ফগদাং গুরিবো।

ফগদাং পেইয়্যে 11:5

কেঅ যুনি তারারে ক্ষোতি গুরিবাত্যে চায় সালে তারার্ মুয়োত্তুন্ আগুন নিগিলিনে সেই শত্রুগুনোরে পুড়ি ফেলেবাক্। যে কেঅ তারারে ক্ষোতি গুরিবাত্যে চেবাক্ তারাত্তুন্ এবাবোত্যেগুরি মরা পড়িবো।