গণাণা 16:15 - Chakma Bible

¹⁵ এই কধাগান্‌ শুনিনে মোশি অমহদ রাগ্‌ তুলিনে লগেপ্রভুরে কলঅ, “তুই তারার উৎসর্বগানি গুজি ন-লোচ্‌। মুই তারাত্তুন্‌ এক্কো গাধায়ো ন-নেযাং আর তারার কনঅ ক্ষোতিয়ো ন-গরং।”

গণাণা 16:15 ပူးပေါင်းရင်းမြစ်များ

২ শমূয়েল 22:22

কিত্যে লগেপ্রভুর পধেন্দি মুই আদা-উদো গোজ্যং; বজং কাম গুরিনে মঅ গোজেনর মুজুঙোত্তুন্‌ সুরি ন-যাং।

যাত্রা 32:19

সে পরেদি মোশি তাম্বুলোর্‌ কায়-কুরে যেইনে সেই গোরু ছবো আর মানুচ্চুনোরে নাজদে দেগিলো। সিয়েন্‌ দেগিনে তে রাগে জুলি উদিলো আর আদত্‌ গুরি আন্যে পাত্তর-ফলক্কুন দ্বিবে ফেলেই দিলো। সেক্কে সেই দ্বিবে পাত্তর-আরুগ্ মুড়োবোত্‌ তলে পরিনে কট্টা কট্টা ওইনে ভাঙি গেলাক্।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

গণাণা 16:16

সে পরেদি মোশি কোরহরে কলঅ, এযেত্যেকেল্যে তত্তুন্‌ আর তর্‌ দলর্‌ বেক্কুনোত্তুন লগেপ্রভুর মুজুঙোত্ আঝিল্ উয়ো পুরিবো। তুই আর তর্‌ দলর্‌ মানুচ্চুনোত্তুন আর সে সমারে হারোণত্তুনঅ আঝিল্ উয়ো পরিবো।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

১ করিন্হীয় 9:15

মাত্তর্ মুই ইয়েনির কনঅ কিছু ভোগ্ ন-গরং। তুমি যাতে মত্তে এবাবোত্যে বেবস্থা গরঅ সেনত্তে মুই এ কধাগান্ ন-লেগঙর্। আসলে মর্ এ দেমাগ্‌‌কান যুনি কেঅ মিজে গুরি দে সালে সিয়েনত্তুন্ মর্ মরণান্ বোউত্ গম্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 7:2

তমা মনত্ আমাত্যে জাগা গরঅ। আমি দঅ কারঅ উগুরে অন্যেয় ন-গুরিই, কারর্ ক্ষোতি ন-গুরিই আর কাররে ন-থোগেই।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।