গণাণা 16:14 - Chakma Bible

¹⁴ ইয়েনবাদে তুই দঅ সেধোক্ক্যেন কনঅ দুধ আর মধুুলোই ভোজ্যে দেজত্‌ আমারে ন-নেযাচ্‌ বা ভুই-জবিন্ আর আংগুর্‌ ক্ষেদর অধিকারঅ্‌ ন-দুয়োচ্‌। তুই কি এই মানুচ্চুনোরে চোগকান্‌ গুরি রাগেবাত্তে চর্‌? না, আমি ন-যেবং।”

গণাণা 16:14 ပူးပေါင်းရင်းမြစ်များ

যাত্রা 22:5

যুনি কনজনে তার্‌ গরু-ভেড়াছাগল কনঅ‌ মাদঠ্‌ বা আংগুর্‌ খেদত্‌ চোরেবাত্তে যেইনে ইড়ি দেগোই‌ আর সিগুনে অন্য কনঅ‌ মানজ্যর্‌ খেদত্‌ চোমেইনে ক্ষেত্‌-খেত্তি হেই দুয়োন্‌, সালে তার্‌ নিজোর্‌ শোজ্য খেদর্‌ বা আংগুর খেদর্‌ বেগত্তুন্‌ গম্‌ ক্ষেত্‌-খেত্তিলোই তার্‌ ক্ষোতি পূরোণ্‌ দিয়্যে পুরিবো।

যাত্রা 23:10

পর পর ছয় বজর্‌ তুমি ক্ষেদত্‌ চাষ্‌ গুরিবা আর ফসল কাবিবা,

যাত্রা 23:11

মাত্তর্‌ সাত বজরত্‌ ভুইয়ো চাষ্অ ন-গুরিবা আর কনঅ‌ কিজু নয়ো লাগেবা। সেক্কে এমনে যিয়েনি জোর্মেব তমা ভিদিরে নাদা মানুচ্চুনে সিয়েনিত্তুন্ হেই পেবাক্ আর যিয়েনি পড়ি থেবঅ‌ সিয়েনি ঝাড়্‌বো য়েমানুনে হেই পারিবাক্। তমার আংগুর্‌ আর জলপাই বাগান পৌইদ্যেনেয়ো সেই এক্কুই সুদোমানি পালেবা।

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

গণাণা 13:27

তারা মোশিরে কলাক্, “তুই আমারে যে দেজত্‌ পাদেয়োচ্‌ আমি সিয়োদোই যেইয়্যেই। দেজ্‌চানত্‌ আজলে দুধ, মধু আর কনঅ কিজুর অভাব নেই। ইগুনোই অলাক সিদুগোর্ গুলোগুলি।

গণাণা 14:8

লগেপ্রভু যুনি আমা উগুরে বেজার ন-থায়্‌ সালে সেই দেজ্‌চানত্‌ তে আমারে নেযেব যিয়েনত্‌ দুধ, মধু আর কনঅ কিজুর অভাব নেই, আর তে সিয়েনি আমারে দিবো।

গণাণা 20:5

মিসর দেজত্তুন্‌ কিত্তে তুই আমারে এই দর্‌গরেপারা জাগানত্‌ আনিলে? এই জাগানত্‌ নেই কনঅ শোজ্য বা ডোমোর্‌ গুলো, নেই কনঅ আংগুরো লুদি বা ডালোম; সিগুন বাদে হেবার্‌ পানিয়ো ইয়েনত্‌ নেই।”

বিচের গুরিয়্যেগুন 16:21

সেক্কে পলেষ্টীয়গুনে তারে ধুরিনে চোখ দ্বিবে খুয়োই দিলাক্‌ আর তারে গাজাত্‌ নেযেলাক্‌। তারা তারে পিদলর শিগোললোই বানিলাক্‌ আর আজদত্‌ তারে দিইনে চড়্‌গা কল ঘুরোনি কামত্‌ লাগেলাক্‌।

১ শমূয়েল 11:2

অম্মোনীয় নাহশে জোবত্‌ তারারে কলঅ, “মুই এক্কো শর্তলোই তমা লগে চুক্তি গুরি পারং। সিয়েন অলঅ, তমার পত্তিজনর্‌ ডেন্‌ চোক্কো তুলি ফেলা অবঅ। সিয়েন গুরিনে মুই বেক্‌ ইস্রায়েল জাদ্‌‌‌তোরে অসর্মান গুরিম।”