গণাণা 14:43 - Chakma Bible

⁴³ সিদু তুমি অমালেকীয় আর কনানীয়গুনোর মুজুঙোত্‌ পড়িবা। তুমি লগেপ্রভুত্তুন্‌ সুরি যেইয়ো বিলি তে তমা সমারে ন-থেবঅ। সেক্কে তুমি যুদ্ধোত্‌ মুরি যেবা।”

গণাণা 14:43 ပူးပေါင်းရင်းမြစ်များ

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

গীতসংহিতা 44:10

শত্রুগুনোর মুজুঙোত্তুন তুই আমারে পিজেন্দি এবাত্তে বাধ্য গোজ্যস্; আমা বিপক্ষগুনে আমারে লুদেয়োন্।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

গণাণা 13:29

অমালেকীয়গুনে থান্দে নেগেভত; হিত্তীয়, যিবূষীয় আর ইমোরীয়গুনে থান্দে মুড়ো-মুরি চাগালাত্‌ আর কনানীয়গুনে থান্দে বড়সাগর ইদু আর যর্দন গাঙর্‌ পাড়ত্‌।”

গণাণা 14:25

সেই কিঝিঙানিত্‌ ইক্কিনে অমালেকীয় আর কনানীয়োগুনে বজত্তি গত্তন্‌। তুমি এযেত্তে কেল্যে পিজেন্দি ফিরিনে আকাবা বড়গাঙর্‌ পত্থান্‌ ধুরিনে ধূল্যেচর-চাগালা ইন্দি যাহ্ ধুরিবা।”

গণাণা 14:42

তুমি ন-যেয়ো, কিত্যে লগেপ্রভু তমা সমারে নেই। শত্রুগুনো ইদু তুমি উদি যেবাগোই।

গণাণা 14:44

তো তারা দুঃসাহস গুরিনে সেই মুড়োমুড়ি চাগালা ইন্দি উজেই গেলাক্। মাত্তর্‌ মোশি ন-গেলঅ আর লগেপ্রভুর সুদোম-সিন্দুক্কোয়ো তাম্বুলো ভিদিরে রোই গেলঅ।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

যিহোশূয় 22:15

তারা গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মান্‌জ্য ইদু যেইনে কলাক্‌,

যিহোশূয় 7:12

সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।