গণাণা 14:35 - Chakma Bible

³⁵ এই পাজি জাদর্‌ মানুচ্চুনে যিগুনে মর্‌ বিরুদ্ধে দল পাগেয়োন্‌ তারা বেক্কুনে এই ধূল্যেচর জাগাদই শেজ্ ওই যেবাক। মুই লগেপ্রভু এই কধাগান কঙর্।”

গণাণা 14:35 ပူးပေါင်းရင်းမြစ်များ

গীতসংহিতা 78:33

সেনত্তে তে তারার দিনুন্ বিফলে শেজ্ গুরি দিলো আর দর্‌বুক্ লাগেইনে বজরুন শেজ্ গুরি দিলো।

যাত্রা 23:21

তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

যিহিষ্কেল 20:36

মিসর দেজর্ ধূল্যেচর-চাগালাত্ মুই যেবাবোত্যে তমা পুরোণি মানুচ্চুনোর বিচের্ গোজ্যং সেবাবোত্যে তমারেয়ো বিচের্ গুরিম।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

১ করিন্হীয় 10:5

তো গোজেনে সেই মানুচ্চুনো ভিদিরে বেশির্ ভাগ মান্‌জ্য উগুরে হুজী ন-এলঅ। সেনত্তে তারার্ মরা কিয়্যেনি ধূল্যেচর-চাগালাত্ পড়ি রলঅ।

ইব্রীয় 3:19

ইয়েনত্ দেগা যায় যে, তারার্ অবিশ্বেজর্ কারনে তারা গোজেনর্ দিয়্যে জিরেবার জাগানত্ যেই ন-পারন।

যিহোশূয় 5:6

মিসরত্তুন নিগিলি এজানার্‌ সলাবোত্‌ যিগুনোর যুদ্বো গরেদে ধোক্ক্যেন্‌ বয়স ওইয়্যে তারা বেক্কুনে মুরি ন-যানা সং চোল্লিশ বজর ইস্রায়েলীয়গুনোরে ধূল্যেচর-চাগালাত্‌ ঘুরো পোজ্যে, কিত্যে তারা লগেপ্রভুর কধানি ন-মানন্‌। লগেপ্রভু তারারে শমক্‌ খেইনে কোইয়্যেদে, তারার পুরোণি মানুচ্চুনো ইদু দুধ আর মধুলোই ভোজ্যে যে দেজ্‌চান আমারে দিবো বিলিনে শমক্‌ খেইয়্যে সিয়েন্‌ তারা চেই ন-পেবাক্‌।