গণাণা 14:31 - Chakma Bible

³¹ তমার্‌ যে ঝি-পূঅগুনোরে কাড়ি নেযা অবঅ বিলি তুমি কোইয়ো সেই ঝি-পূঅগুনোরে মুই সে দেজত্‌ নেযেম। এই ঝি-পূঅগুনেই সেই দেজ্‌চান্‌ ভোগ্‌ গুরিবাক্‌ যিয়েন্‌ তুমি টেংগোই লাদি মাজ্য।

গণাণা 14:31 ပူးပေါင်းရင်းမြစ်များ

পত্থম 25:34

যাকোবে ইয়েন পরেদি এষৌরে পিদে আর ডেল্‌ হেবাত্তে দিলো, আর এষৌ হানা-বিনে শেজ্ গুরিনে উদি গেলগোই। ইঙিরিনে এষৌ তা দাঙর্‌ পুয়ো অবার অধিকারানরে কনঅ দাম্‌ ন-দিলো।

নহিমিয় 9:24

তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

গীতসংহিতা 106:24

পরেন্দি তারা সেই দোল্ দেজ‌্‌ছানরে ঈচ্ গুরিলাক্; তারা লগেপ্রভুর কধা বিশ্বেজ্ ন-গুরিলাক্।

গম্ উপদেজ্ 1:25

তুমি যেক্কে মর্ বেক উপদেজ্‌ছানি এলাফেলা গুরিলে, দুষ্ দেগেই দিলেয়ো সিয়েনি শুনিবাত্তে ন-চেলা,

গম্ উপদেজ্ 1:30

সেনত্তে মঅ উপদেজ্‌ছান তারা ন-শুনোন্, আর ঠিগ গুরিবাত্তে মুই যিয়েনি কোইয়োং সিয়েনি ঈচ্ গোজ্যন্;

যিহিষ্কেল 20:18

সিদু তারার্ পুয়ো-ঝিগুনোরে মুই কলুং, তারা যেন তারার্ পুরোণি মানুচ্চুনো ধোক্ক্যেন কাম্ ন-গরন, তারার আচার-বেবহার মজিম্ ন-চলন আর তারার্ মূত্তিগুন দিইনে নিজোরে অসিজি ন-গরন।

গণাণা 14:3

যুদ্ধোত্‌ মুরি যেবাত্তে কিত্তে লগেপ্রভু আমারে সেই দেজত্‌ নেযার্‌? তারা আমার মোক্‌ আর ঝি-পূঅগুনোরে কারি নিবাক্‌। ইয়োত্তুন্‌ মিসরত্‌ ফিরি যানা আমার উজিত এলঅ।”

গণাণা 26:6

হিষ্রোণত্তুন্‌ হিষ্রোণীয় বংশ আর কর্মীত্তুন্‌ কর্মীয় বংশ।

গণাণা 26:64

মাত্তর্‌ মোশি আর ধর্মগুরু হারোণে যেক্কে সিনাই ধূল্যেচর-চাগালাত্‌ ইস্রায়েলীয়গুনোরে গুণি নেযেয়োন সেক্কে এই বেক্‌ মানুচ্চুনে কনজনে তারা ভিদিরে ন-এলাক।

মথি লেখ্যে গম্ হবর্ 22:5

মাত্তর্ বোলেয়্যে মানুচ্চুনে সেই চাগরুনোর কধা ন-শুনিনে তারা যার্ যার্ কামত্ গেলাক্: একজনে খামারত্ গেলঅ, আর একজনে মাল্ গুদোমত্ গেলঅ,

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

দ্বি’লম্বর বিররণ 1:39

যিদুক্কুন্‌ ঝি-পূঅরে বানিনে নেযা অবঅ বিলিনে তুমি কোইয়ো তমার্‌ সেই বেক্‌ ঝি-পূঅগুনে, যিগুনোর গম্‌-বজঙর্‌ জ্ঞান এজঅ‌ ন অয়, সিগুনেই সেই দেজত্‌ সুমিবাক। মুই দেজ্‌ছান তারারে দিম্‌ আর তারা সিয়েন্‌ গজক্ গুরিবাক।

যিহোশূয় 5:7

সেনত্তেই তারার্‌ জাগানিত্‌ তারার্‌ পূঅগুনোরে তে থিয়্যেই রাগেল আর যিহোশূয় ইগুনোরে জাদত্‌ তুলিলো। যেবার্‌ পদথ্‌ তারারে জাদত্‌ তুলো ন-অয় বিলিনে তারা সেক্কেয়ো জাদত্‌ ন-উঠ্যে অবস্থায় এলাক্‌।