গণাণা 14:12 - Chakma Bible

¹² মুই এক্কান্‌ দাঙর্‌ পিড়ে আনিম্‌ আর এগেম্ গোজ্যে দেজর্‌ অধিকারানি তারাত্তুন্‌ কাড়ি নেযেম, মাত্তর্‌ তঅ ভিদিরেত্তুন্‌ মুই তারাত্তুনো বেশ্‌ দাঙর্‌ আর বোলী এক্কো জাদ্ সৃট্টি গুরিম্‌।”

গণাণা 14:12 ပူးပေါင်းရင်းမြစ်များ

২ শমূয়েল 24:1

লগেপ্রভু আরঅ ইস্রায়েলীয়গুনো উগুরে রাগে জুলি উদিলো। তে দায়ূদোরে তারার বিরুদ্ধে রাগ তুলি দিইনে কলদে, “তুই যেইনে ইস্রায়েল আর যিহূদা মানুচ্চুনোরে গুণিই লঅ।”

যাত্রা 32:10

তুই মরে মানা নঅ গুরিচ্‌। তারা বিরুদ্ধে মর্‌ রাক্কান্‌ আগুনো ধোক্ক্যেন জুলিবো। মুই তারারে ভস্ত গুরি ফেলেম্‌। সে পরেন্দি তমা ভিদিরেত্তুন্‌ মুই এক্কো দাঙর্‌ জাত্‌ সৃট্টি গুরিম্‌।

যাত্রা 5:3

সেক্কে তারা কলাক্, “ইব্রীয়গুনোর্‌ গোজেন আমা লগে দেগা দিয়্যে। সেনত্যে তুই দোয়্যে গুরি আমারে যেবাত্তে দে যেনে আমি ধূল্যেচর-চাগালাত্‌ তিন দিনো পথ যেইনে আমা গোজেন লগেপ্রভু নাঙে য়েমান উৎসর্ব গুরি পারিই। সিয়ান ন-গুরিলে তে দগে নঅলে কনঅ মরন পীড়েলোই বা যুদ্ধোর্‌ মাধ্যমে আমা উগুরে সাজা-আনিবো।”

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

গণাণা 25:9

মাত্তর্‌ যিগুনে সেই ভানাগানদোই মুরি গেলাক্ তারা সোংখ্যেদি এলাক চোব্বিশ আজার।

দ্বি’লম্বর বিররণ 28:21

তুমি যে দেজ্‌ছান গজক্ গুরিবাত্তে যর্‌ লগেপ্রভু সিয়েনত্ এমন্‌ গুরিবো যেনে তমা ভিদিরে সাজুরেদে পিড়ে লাগি থায় আর যেরেন্দি তুমি দেজত্তুন এক্কুবারে শেজ্‌ ওই যঅ।