গণাণা 13:22 - Chakma Bible

²² তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

গণাণা 13:22 ပူးပေါင်းရင်းမြစ်များ

পত্থম 13:18

সেক্কে অব্রামে তা তাম্বুলান তুলি নেযেল আর হিব্রোণ চাগালার্‌ মম্রি নাঙে এক্কো মান্‌জোর্‌ এলোন ঝার কুরে সিয়েন ঠাঙেল। সিয়েনত্‌অ তে লগেপ্রভুর নাঙে এক্কো ডালিপূজো বানেল।

২ শমূয়েল 2:1

পরেন্দি দায়ূদে লগেপ্রভুর ইদু পুযোর্‌ গুরিলো, “মুই কি যিহূদা চাগালার্‌ কনঅ এক্কান্‌ শঅরত্‌ যেম্‌?” লগেপ্রভু কলঅ, “অয়, যাহ্।” দায়ূদে পুযোর্‌ গুরিলো, “মুই কুদু যেম্?” জোবত্‌ লগেপ্রভু কলঅ, “হিব্রোণত যাহ্।”

২ শমূয়েল 2:11

দায়ূদ হিব্রোণত্তুন্‌ যিহূদা-গুট্টিগুনো উগুরে সাড়ে সাত বজর রাজাগিরি গোজ্যে।

২ শমূয়েল 21:16

সেক্কে যিশ্‌বী-বনোব নাঙে এক্কো রফায়ীয় নূয়ো সাজ্‌গুজ্ গুরি সাজিনে দায়ূদোরে মারে ফেলেবাত্তে এলঅ। তা সেল্লোর পিদোল মাধাবোর্‌ ওজন এলদে পেরায় চের্‌ কেজি।

গীতসংহিতা 78:12

ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

গীতসংহিতা 78:43

যেদিন্যে মিসরত্ তে চিহ্নো দেগেয়্যে আর আমক্ অবার কাম গোজ্যে সোয়ন চাগালাত্।

যিশাইয় 19:11

সোয়নর দাঙর্ পোজিশনর্ কামগুরিয়্যেগুনে এক্কুবারে ভুল্ বেদমা; ফরৌনর জ্ঞানী সল্লাদিয়্যেগুনে অত্তনেইয়্যে উপদেজ্ দুয়োন্। তুমি ফরৌণরে কেধোক্ক্যেন গুরি কোই পার, “মুই জ্ঞানী মানুচ্চুনো ভিদিরে একজন আর খুব পুরোনা দিনো রাজাগুনোর বংশধর্”?

যিশাইয় 19:13

সোয়নর দাঙর্ পোজিশনর্ কামগুরিয়্যেগুনে ভুল্-বেদমা ধোক্ক্যেন ওইয়োন্, আর নোফর নেতাগুনে ঠোক্ক্যন্; মিসরর আজল্ নেতাগুনে মিসরর ভান্ন্যেই পধেদি নেযেয়োন।

যিশাইয় 30:4

যুনিয়ো সোয়নত্ তারার দাঙর্ পোজিশন মানুচ্ আগন্ আর তারা দূত্‌তুনে হানেষত্ লুম্মোন,‍

গণাণা 13:17

কনান দেজত্‌ পাদেবার্‌ সময় মোশি তারারে কোই দিলো, “তুমি নেগেভর ভিদিরেন্দি যেইনে মুড়োমুড়ি চাগালাত্‌ চুমিবা।

গণাণা 13:28

মাত্তর্‌ যিগুনে সেই জাগানত্‌ বজত্তি গত্তন্‌ তারার্‌ কিয়্যেত্‌ বল্‌ বেশ্‌ আর তারার শঅরানিয়ো অমহদ দাঙর্‌ দাঙর্‌ আর দেবাল্‌লোই ঘিজ্যে। অনাকর বংশর মানুচ্চুনোরেয়ো আমি সিয়েনত্‌ দেক্ক্যেই।

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

দ্বি’লম্বর বিররণ 9:2

সিদুগোর্‌ মানুচ্চুনে অনাকীয়; তারা লাম্বা আর বোলী। তুমি অনাকীয়গুনো পৌইদ্যেনে হবর্‌ পঅ; তারা পৌইদ্যেনে তুমি এ কধাগান্‌ কবাত্তে শুন্ন্য, অনাকীয়গুনোর্‌ বিরুদ্ধে যেই পারন্‌ এধোক্ক্যেন মানুচ্‌ কুদু?

যিহোশূয় 10:36

ইয়েনর্ পরেন্দি যিহোশূয় ইস্রায়েলীয়গুনোরে বেক্কুনোরে নিইনে ইগ্লোনত্তুন হিব্রোণত্‌ যেইনে শঅ‌রান আক্রমণ গুরিলো।

যিহোশূয় 21:13

সেনত্তেই হিব্রোণ, লিব্‌না, যত্তীয়, ইষ্টমোয়, হোলোন, দবীর, ঐন, যুটা আর বৈৎ-শেমশ আর সিয়েনির লগে এ্যমান চোড়েবার খলা ধর্মগুরু হারোণর বংশধরুনোরে দিয়্যে অলঅ‌। ইয়েন ভিদিরে হিব্রোণান্‌ এলদে খুনি আজামীর্ আশ্রয়-শঅর্‌। এ দ্বিবে গুট্টির জাগাত্তুন্‌ এ নঅ‌গান আদাম আর শঅর্‌ তারারে দিয়্যে অলঅ‌।

বিচের গুরিয়্যেগুন 1:10

হিব্রোণর আদাম্মে কনানীয়গুনোর বিরুদ্ধে উজেই যেইনে তারা শেশয়, অহীমান আরঅ তল্‌ময়রে ওদেই দিলাক্‌। হিব্রোণর আগর্‌ নাঙান্‌ এলদে কিরিয়ৎ-অর্ব।