গণাণা 13:2 - Chakma Bible

² “যে কনান দেজ্‌চান্‌ মুই ইস্রায়েলীয়গুনোরে দিবাত্তে যাঙর্‌ সিয়েন পৌইদ্যেনে খোঁজ-খবর লোই আনিবাত্তে তুই পত্তি বারবো গুট্টিত্তুন এক্কো গুরিনে নেতা পাধেই দে।”

গণাণা 13:2 ပူးပေါင်းရင်းမြစ်များ

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

গণাণা 1:4

পত্তি গুট্টিত্তুন্‌ একজন গুরি মান্‌জ্যে তরে সাহায্য গুরিবাক, আর সেই মানুচ্চোত্তুন্‌ তার্‌ বংশর্‌ নেতাবো উয়ো পরিবো।

গণাণা 11:16

লগেপ্রভু মোশিরে কলঅ, ইস্রায়েলীয়গুনো ভিদিরে যিগুনোরে তুই নেতা আর সর্মানিত মানুচ্‌ বিলি জানচ্‌ তারা ভিদিরেত্তুন্‌ সত্তুরজন বুড়ো নেতারে মইদু আন্‌। তুই তারারে মিলন-তাম্বুলো ইদু এইনে তঅ সমারে থিয়্যেবাত্তে কঅ‌।

গণাণা 13:16

মোশি এই মানুচ্চুনোরে কনান দেজর্‌ খোঁজ-খবর লোই আনিবাত্তে পাদেয়্যে। তে নূনোর পূঅ হোশেয়র নাঙান দিয়্যেদে যিহোশূয়ো।

গণাণা 13:3

লগেপ্রভুর উগুম্‌ পেইনে মোশি সিয়েনোই গুরিলো। তে পারণ ধূল্যেচর-চাগালাত্তুন্ যিগুনোরে পাদেই দিলো তারা বেক্কুনে অলাক ইস্রায়েলীয়গুনোর নেতা।

গণাণা 32:8

দেজ্‌চান চেই এবাত্তে যেক্কে মু্‌ই তমা বাপ-দাদাগুনোরে কাদেশ-বর্ণেয়ত্তুন্‌ পাদেয়োং সেক্কে তারায়ো ঠিগ্ এবাবোত্যে গোজ্যন।

গণাণা 34:18

সোম্বোত্তি ভাগ গুরিবার্‌ কামত্‌ সাহায্য গুরিবাত্তে পত্তি গুট্টিত্তুন্‌ এক্কো গুরি নেতা নেযা পুরিবো।

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

দ্বি’লম্বর বিররণ 9:23

লগেপ্রভু কাদেশ-বর্ণেয়ত্তুন তমারে রওনা গুরিবার্‌ অক্তত্‌ কোইয়্যেদে, যে দেজ্‌ছান মুই তমারে দুয়োং তুমি যেইনে সিয়েন গজক্ গরঅ। মাত্তর্‌ তুমি তমার গোজেন লগেপ্রভুর উগুমোর্‌ বিরুদ্ধে উল্লোমী গুরিলে। তুমি তারে বিশ্বেজঅ ন-গরঅ, তার্‌ কধালোই কানঅ ন-পাদঅ।

যিহোশূয় 3:12

ইক্কিনে তুমি ইস্রায়েলীয় বারবো গুট্টির বেক্কুনোত্তুন একজন গুরিনে বারজন মানুচ্‌ বেঈ নেযঅ‌।