গণাণা 11:8 - Chakma Bible

⁸ মানুচ্চুনে ঘুরি ফিরি সিগুন্‌ কুড়েইনে আনিদাক আর কল্লোই বা পাত্তর্‌লোই নিগুজ্‌ গুরি নিদাক। সিগুন্‌ তারা পিলেলোই উঝিদাক বা সিগুনদোই পিদে বানেদাক্। সিয়েরর্‌ চোত্তান্‌ এলদে জলপাইয়োর্‌ তেল দিইনে বানেয়ে পিদে ধোক্ক্যেন।

গণাণা 11:8 ပူးပေါင်းရင်းမြစ်များ

পত্থম 25:29

একদিন্যে যাকোবে ডেল্‌ রানের্‌, এ অক্তত্‌ এষৌ মাদত্তুন্‌ ফিরি এলঅ। সেক্কে তে অমকদ বল্‌পোজ্য এলঅ।

যাত্রা 16:23

সেক্কে মোশি তারারে কলদে, “ইয়েন্‌ লগেপ্রভুর্‌ কধা। এজেত্তে কেল্যে জিরেবার্‌ দিন, লগেপ্রভুর পবিত্র জিরেবার্‌দিন। সেনত্তেই যেদক্কানি সিঁগি নিবার নেযঅ‌ আর যেদক্কানি উজিবার্ গুরিবার উজিবার্ গুরি নেযঅ‌; বাদ্‌বাগীগানি তার্‌ কেল্যে বেন্যেত্তেই থোই‌ দুয়ো।”

যাত্রা 16:31

ইস্রায়েলীয়গুনে সে হানাগানরে কদাক্‌ মান্না (যিয়েনর্‌ ভেদ্‌তান্ সিগুন্‌ কি?)। ইগুনোর্‌ চেঙেরাঙান্‌ এলঅ‌ বাগোর্‌ পাদা বিজি ধোক্ক্যেন আর চাদে ধুব্‌; তার্‌ সুয়োত্তান্‌ এলঅ‌ মধু দিয়্যে পিদে ধোক্ক্যেন।

গণাণা 11:7

মান্নার্‌ চেঙারাগান্‌ অলঅ বাগোর্‌ বীঝি ধোক্ক্যেন, আর সিগুন চাদেয়ো এলাক্কে গুগ্‌গুলুর ধোক্ক্যেন।

গণাণা 11:9

রেদোত্‌ তাম্বুলানর-চাগালাত্‌‌ শিরো পানি পুরিদো আর সিয়েন উগুরে পুরিদো মান্না।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 6:31

আমা পূরোণি মানুচ্চুনে দঅ ধূল্যেচর-চাগালাত্ মান্না হেইয়োন্। পবিত্র বোইবোত্ লেগা আঘে, ‘গোজেনে স্বর্গত্তুন্ তারারে রুটি হেবাত্তে দিলো।’ ”