গণাণা 11:25 - Chakma Bible

²⁵ সেক্কে লগেপ্রভু সেই মেঘ ভিদিরে গুরি লামি এইনে মোশি সমারে কধা কলঅ। মোশি উগুরে যে আত্মাগান্‌ এলঅ তাঁরে তে সেই সত্তুরজন বুড়ো নেতা উগুরেয়ো দিলো। যেক্কে সেই আত্মাগান্‌ তাঁরা উগুরে এলঅ সেক্কে কয়েকদিনোত্তে তাঁরা ভাববাদী ইজেবে কধা কোইয়োন।

গণাণা 11:25 ပူးပေါင်းရင်းမြစ်များ

২ রাজাবলী 2:15

যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

গীতসংহিতা 99:7

তে মেঘ চাগত্তুন্ তারা সমারে কধা কদঅ; তারা তার কধানি আর তার দিয়্যে উগুমানি পালেদাক্।

যাত্রা 32:32

মাত্তর্‌ তুই ইক্কিনে দোয়্যে গুরিনে তারার্‌ পাপ্পানি ক্ষেমা গুরি দে, আর যুনি সিয়েন ন-গরচ্‌ সালে তর্‌ লেখ্যে বোইবোত্তুন্‌ মর্‌ নাঙান্‌অ বাদ দি দে।

যাত্রা 34:5

লগেপ্রভু মেঘ ভিদিরেত্তুন্‌ লামি এইনে মোশি কায়-কুরে ঠিয়্যেল আর তার্‌ “লগেপ্রভু” নাঙান্‌ ফগদাঙ্‌ গুরিলো।

যাত্রা 40:38

ইস্রায়েলীয়গুনোর্‌ গোদা যেবার্ পদথ্‌ দিনো অক্তত্‌ তারার্‌ চোগো মুজুঙোত্‌ থেবার্‌-তাম্বুল উগুরে থেদঅ‌ লগেপ্রভুর্‌ এই মেঘ চাক্কান্‌ আর রেদো অক্তত্‌ সেই মেঘঅ ভিদিরে থেদঅ‌ আগুন।

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিহিষ্কেল 8:11

সিগুনো মুজুঙোত্ থিয়্যেই আগন্ ইস্রায়েলীয়গুনোর সত্তুর্ জন নেতা আর তারা ভিদিরে থিয়্যেই আগেদে শাফনর পুয়ো যাসনিয়। তারার্ পত্তিজনর আঢত্ এক্কো গুরি আগর্‌বাট্টির্ টগ্ এলঅ আর সিগুনোত্তুন্ আগর্‌বাট্টির্ ধূমো মেঘ্‌কানি উগুরেদি উদের্।

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 12:5

সেক্কে লগেপ্রভু মেঘ মাধ্যমে আঝিল্ ওইনে লামি এলঅ আর মিলন-তাম্বুলোর দোরো ইদু থিয়্যেইনে হারোণ আর মরিয়মরে ডাগিলো। তাঁরা দ্বিজনে উজেই এজানার্‌ পরেদি লগেপ্রভুর কলদে, “তুমি মঅ কধাগান্‌ শুনো। তমা ভিদিরে কনঅ নবী থেলে মুই লগেপ্রভুর দিব্য জ্ঞানর্‌ ভিদিরেন্দি নিজোরে তাইদু ফগদাং গরং আর স্ববন্দোই কধা কং।

গণাণা 16:25

এই কধাগান শুনিনে মোশি উদিনে দাথন আর অবীরামর ইদু গেলঅ আর ইস্রায়েলীয় বুড়ো নেতাগুনে তাঁর পিজে পিজে গেলাক্।

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

প্রেরিত্‌ 11:28

তারাত্তুন্ আগাব নাঙে একজনে থিয়্যেইনে পবিত্র আত্মার পরিচালনাই কলঅ, গোদা রোম রেজ্যত্ এক্কো অমকদ ভাদ রাত্ অবঅ। (সম্রাট ক্লৌদিয়র রাজাগিরির্ সময়োত্ সে কধাগান পুরেল।)

১ করিন্হীয় 14:32

ভাববাদীগুনোর্ আত্মা তারার্ নিজো অধীনোত্ থায়।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।

বিচের গুরিয়্যেগুন 3:10

লগেপ্রভুর আত্মাগান্‌ তা উগুরে এজানার পরেন্দি তে ইস্রায়েলীয়গুনোর শাজন্‌গুরিয়্যে অলঅ। তে যেক্কে যুদ্ধো গুরিবাত্তে গেলঅ‌ সেক্কে লগেপ্রভু অরামর রাজা কূশন-রিশিয়াথয়িমরে তা আঢত্‌ তুলি দিলো, আর্‌ তে তারে ওদেই দিলো।

১ শমূয়েল 10:10

শৌল আর তার চাগর্‌ গিবিয়াতত্‌ লুুমিলে এক ঝাক্ ভাববাদী সমারে তারার দেগা অলঅ। সেক্কে গোজেনর আত্নাগানে শৌলরে পুরোপুরিভাবে নিজোর অধীনোত্ আনিলো, আর সেক্কে তে সেই ভাববাদীগুনোর মোধ্যে যেইনে গোজেনর দিয়্যে কধা কুয়ো ধুরিলো।