গণাণা 11:14 - Chakma Bible

¹⁴ তারার্‌ ভরান্‌ অমহদ বেশ্‌, মর্‌ গায়্‌ গায়্‌ সিয়েন দায়িত্বো নেযানা সম্ভব নয়।

গণাণা 11:14 ပူးပေါင်းရင်းမြစ်များ

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

যাত্রা 18:18

সেক্কে তুই আর তঅ মানুচ্চুনে হামাক্কায়্‌ বল্‌পোজ্যে ওই যেবাক্‌। কামান্‌ এদক্‌ বেশ আগাত্যে যে, তর্‌ গায়্‌-গায়্‌ সিয়েন্‌ গরানা সম্ভব নয়।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

সখরিয় 6:13

অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ।

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?