গণাণা 10:32 - Chakma Bible

³² তুমি যুনি আমা লগে এজঅ সালে লগেপ্রভু আমাত্তে যে ভালেদি গুরিবো বিলি এগেম্ গোজ্যে তার্‌ ভাগ আমি তমারেয়ো দিবোং।”

গণাণা 10:32 ပူးပေါင်းရင်းမြစ်များ

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

দ্বি’লম্বর বিররণ 10:18

নাদা আর রানীমিলেগুনোর্‌ দাবীগানি তে রোক্ষ্যে গরে আর তমা ভিদিরে বজত্তি গুরিয়্যে বিদেশীগুনোরে খানা উরোনা দিইনে তার্‌ কোচ্‌পানাগান দেগায়। তে তারারে হেবাত্তে উরিবাত্তে দে।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

বিচের গুরিয়্যেগুন 1:16

মোশি শোরোর্‌ গুট্টিগুনে, যিগুনে জাদে কেনীয় এলাক্‌, তারা খাজোর্‌-শঅ‌রত্তুন্‌ নিগিলিনে অরাদ চাগালার দোগিণে যিহূদা-গুট্টির কোরোল্যে-ভূইয়োর্‌ চাগালাত্‌‌ গেলাক্‌। আর সিদুগোর্‌ মানুচ্চুনো সমারে থেই গেলাক্‌।

বিচের গুরিয়্যেগুন 4:11

ইয়েনর্ আগেন্দি হেবর নাঙে এক্কো কেনীয় অন্য কেনীয়গুনোর, অত্তাৎ মোশির শোর্‌বো হোববর গুট্টিগুনোরে ছাড়িনে কেদশর ইদু সানন্নীমোর এলোন গাজর কায় কুরে তা তাম্বুলান ফেলেয়্যে।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”