গণাণা 10:12 - Chakma Bible

¹² সেক্কে ইস্রায়েলীয়গুনে সিনাই ধূল্যেচর চাগালাগান ফেলেইনে নিগিলি গেলাক্। সেই মেঘ্‌কান পারণ ধূল্যেচর চাগালাত্‌‌ এইনে সোজা ওইনে ন-থিয়্যেনা সং তারা যাহ্ ধুরিলাক।

গণাণা 10:12 ပူးပေါင်းရင်းမြစ်များ

পত্থম 21:21

পারণ নাঙে এক্কান ধূল্যেচর-চাগালাত্‌ তে বজত্তি গরা ধুরিলো। মিসর দেজ এক্কো মিলে লগে তা মাবো তারে মেলা গুরি দিলো।

১ রাজাবলী 11:18

তারা মিদিয়নত্তুন্‌ আঢা মারিনে পারণত্‌ যেইয়োন আর পরেন্দি সিয়োত্তুন্‌ কিজু মানুচ্‌ নেযেইনে তারা মিসরর্‌ রাজা ফরৌণর ইদু যেইয়োন্‌। ফরৌণ হদদরে ঘর, জাগা-জোমি আর হানা-দানা দিলো।

যাত্রা 13:20

ইয়েন পরেদি তারা সুক্কোৎ শঅরত্তুন্‌ যানা আরাম্ভ গুরি ধূল্যেচর চাগালার্ দুযিত্ এথম নাঙে এক্কান জাগাত্‌ যেইনে তারার্‌ তাম্বুলান ফেলেলাক্।

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

গণাণা 10:33

ইঙিরিনে ইস্রায়েলীয়গুনে লগেপ্রভুর মুড়োবো ইত্তুন্‌ আদা মারিনে তিন দিনোর পদথ্‌ উজেই গেলাক্। তারা ঝিরেবাত্তে এক্কান্‌ জাগা তোগেইনে নিগিলেবার্‌ আজাই সেই তিন দিন সং লগেপ্রভুর বেবস্থা-সুন্দুক্কো তারার্‌ আগে আগে যাহ্ ধুরিলো।

গণাণা 12:16

ইয়েনর্ পরেদি ইস্রায়েলীয়গুনে হৎসেরোৎ ছাড়িনে পারণ ধূল্যেচর চাগালাত্‌ যেইনে তাম্বুলান্‌ ফেলেলাক।

গণাণা 13:26

সেই নেতাগুনে পারণ ধূল্যেচর চাগালার্ কাদেজত্‌ মোশি, হারোণ আর বেক্‌ ইস্রায়েলীয়গুনো ইদু ফিরি এলাক। তারা মোশি, হারোণ আর অন্য মানুচ্চুনোর ইদু বেক্‌ কধানি জানেলাক আর সেই দেজর্‌ গুলোগুলিগুন দেগেলাক।

গণাণা 13:3

লগেপ্রভুর উগুম্‌ পেইনে মোশি সিয়েনোই গুরিলো। তে পারণ ধূল্যেচর-চাগালাত্তুন্ যিগুনোরে পাদেই দিলো তারা বেক্কুনে অলাক ইস্রায়েলীয়গুনোর নেতা।

গণাণা 2:34

মোশিরে দিয়া লগেপ্রভুর উগুম মজিম্ ইস্রায়েলীয়গুনে বেক্কানি গুরিদাক্। তা উগুম মজিম্ তারা যার্‌ যার্‌ চাগালাত্ তাম্বুল টাঙেদাক্‌ আর তাঁর্‌ উগুম মজিম তারা যার্‌ যার্‌ বংশ আর পরিবার্‌ মজিম আদা মারিদাক্।

গণাণা 9:1

ইস্রায়েলীয়গুনে মিসর দেজত্তুন্‌ নিগিলি এজানার দ্বিবজরর্‌ পত্তম মাজত্‌ সিনাই ধূল্যেচর চাগালাত্‌ লগেপ্রভু মোশিরে কলঅ,

গণাণা 9:17

থেবার-তাম্বুলান উগুরেত্তুন্‌ যেক্কে মেঘ্‌কান সোরেই যেদঅ সেক্কে ইস্রায়েলীয়গুনে আঢা মারিদাক। মাত্তর্‌ যিয়েনত্‌ সেই মেঘ্‌কান্‌ উজু গুরি থিয়েদ সিয়েনত্ তারা তাম্বুলান ফেলেদাক্।

গণাণা 9:5

সেক্কে তারা বজরর্‌ পত্তম মাজর্ চৌদ্দো দিনোর্‌ দিন্নোত্‌ বেলান্‌ ডুবি যানার্‌ পরেদি সিনাই ধূল্যেচর চাগালাত্‌ সিবে পালন গুরিলাক্। লগেপ্রভু মোশিরে যেধোক্কেনগুরি উগুম্‌ গোজ্যে ইস্রায়েলীয়গুনে ঠিগ্ সেধোক্কেনগুরি বেক্কানি গুরিলাক্।

দ্বি’লম্বর বিররণ 1:1

মোশি যর্দন গাঙর্‌ পূগেন্দি ধূল্যেচর-চাগালাত্, অত্তাৎ অরাবাতত্‌ বেক্‌ ইস্রায়েলীয়গুনো ইদু বালক্কানি কধা কোইয়্যে। তে যিয়েনত্‌ সেদক্কানি কধা কোইয়্যে সেই জাগায়ান এলদে সূফর মুজুঙোন্দি। সিয়েনর্‌ এক কিত্তেন্দি এলদে পারণ আর আরেক কিত্তেন্দি এলদে তোফল, লাবন, হৎসেরোৎ আহ্‌ দীষাহব।

দ্বি’লম্বর বিররণ 1:19

ইয়েনর্ পরেদি আমা গোজেন লগেপ্রভুর উগুমে আমি হোরেব মুড়োবো ছাড়িনে ইমোরীয়গুনোর্‌ মুড়োমুড়ি চাগালান্দি আদা মারিলোং। কেধোক্ক্যেন দাঙর্‌ আর কেধোক্ক্যেন দর্‌গরেপারা ধূল্যেচর-চাগালার ভিদিরেন্দি আমার্‌ যাহ্ পোজ্যে সিয়েন্‌ তুমি দেখ্য। এধোক্ক্যেনগুরি আমি কাদেশ-বর্ণেয়ত যেইনে লুমিলোং।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

১ শমূয়েল 25:1

পরেন্দি শমূয়েলে মুরি গেলঅ। বেক্‌ ইস্রায়েলীয়গুনে এক জাগাত্‌ এগত্তর্‌ ওইনে তাত্তেই আবিলেচ্‌ হেলাক্‌। তারা রামাত্‌ তার নিজোর ঘরদই তারে গোর্ দিলাক্। ইয়েনর পরেন্দি দায়ূদে পারণ ধূল্যেচর-চাগালাত্‌ গেলঅ।