গণাণা 1:4 - Chakma Bible

⁴ পত্তি গুট্টিত্তুন্‌ একজন গুরি মান্‌জ্যে তরে সাহায্য গুরিবাক, আর সেই মানুচ্চোত্তুন্‌ তার্‌ বংশর্‌ নেতাবো উয়ো পরিবো।

গণাণা 1:4 ပူးပေါင်းရင်းမြစ်များ

১ রাজাবলী 8:1

ইয়েনর্ পরেন্দি রাজা শলোমনে দায়ূদ-শঅর, অত্তাৎ সিয়োনত্তুন লগেপ্রভুর সুদোম-সুন্দুক্কো আনিবাত্তে ইস্রায়েলর বুড়ো নেতাগুনোরে, গুট্টির-সর্দারুনোরে আর ইস্রায়েলীয় বংশর আজল্‌ মানুচ্চুনোরে যিরূশালেমত্‌ তাইদু আঝিল্ গুরিলো।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

গণাণা 1:16

ইস্রায়েলীয়গুনো ভিদিরেত্তুন্‌ এ বেক্‌ মানুচ্চুনোরে নেযা অলঅ। ইগুনে অলাক্‌ তারার্‌ পুরোণি মানুচ্চুনোর্‌ গুট্টির মুরুব্বী আর ইস্রায়েলীয়গুনোর্‌ ভালোক্‌ বংশর্‌ আজার উগুরে এক্কো নেতা।

গণাণা 1:44

মোশি, হারোণ আর ইস্রায়েলীয়গুনোর বারজন নেতা এই বেক্‌ মানুচ্চুনোর্‌ সোংখ্যেগুন গুণি নেযেলাক। ইগুনে বেক্কুনে তাঁর নিজোর্‌ বংশর নেতা এলাক্।

গণাণা 17:3

লেবী-গুট্টির লুদিগোত্‌ লিগিবে হারোণর নাঙান, কিয়া পুরোণি মানুচ্চুনোর্ গুট্টি মজিম্ পত্তি গুট্টির নেতাগুনোত্তে এক্কো গুরি লুদিক্‌ থেবঅ।

গণাণা 25:14

যে ইস্রায়েলীয় মিলেবোরে সেই মিদিয়নীয় মিলেবো সমারে মারে ফেলা ওইয়্যে তা নাঙান্‌ এলদে সিম্রি। তে অলদে শালূর পূঅ আর শিমিয়োন-গুট্টির এক্কো বংশর নেতা।

গণাণা 25:4

লগেপ্রভু মোশিরে কলঅ, “তুই বেক্‌ ইস্রায়েলীয় নেতাগুনোরে ধুরিনে মারে ফেলা আর দিনো পহ্‌রত্‌ মঅ মুজুঙোত্‌ তারার্‌ কিয়্যেনি ফেলে রাগেচ্‌। সেক্কে ইস্রায়েলীয়গুনো উগুরেত্তুন্‌ মর্‌ সেই রাক্কান্‌ দূর অবঅ।”

গণাণা 30:1

মোশি ইস্রায়েলীয়গুনোর গুট্টি-নেতাগুনোরে কলঅ, লগেপ্রভু উগুম্‌ গোজ্যেদে যুনি কনঅ মানুচ্‌ লগেপ্রভু ইদু কনঅ কিজু মানন্‌ বা শমক্‌ খেইনে কনঅ এগেম্বোই নিজোরে বাঁনন্‌, সালে তে যেন তার্‌ কধাগান্‌ রাগায়; তে যিয়েন্‌ কোইয়্যে সিয়েন্‌ তাত্তুন্‌ গরা পুরিবো।

গণাণা 4:34

বংশ আর পরিবার মজিম মোশি, হারোণ আর ইস্রায়েলীয় নেতাগুনে কহাতীয়গুনোরে গুণি নেযেলাক্।

গণাণা 7:2

পরেদি ইস্রায়েলীয়গুনোর নেতাগুনে, অত্তাৎ বংশর নেতাগুনে বক্‌শিজ্ আনিলাক্। ইগুনেই অলাক্‌ সেই বেক্‌ গুট্টিগুনোর্‌-নেতা যিগুনো উগুরে গুণি লোইয়ে মানুচ্চুনোর্‌ দেগাশুনোর্‌ ভারান্‌ এলঅ।

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

যিহোশূয় 22:14

তারা তারার্‌ পত্তি গুট্টিত্তুন্‌ একজন গুরিনে দশজন নেতারে পীনহসর সমারে পাদেলাক্‌। এ দশজন পত্তিজনে এলাক্‌ ইস্রায়েলীয় বংশর নেতা।