নহিমিয় 9:34 - Chakma Bible

³⁴ আমা রাজাগুনে, নেতাগুনে, ধর্মগুরুগুনে আর আমা পূরোণিমানুচ্চুনে তর্‌ রীদি-সুদোমানি মানি ন-চলন্‌; তর্‌ উগুম্‌ বা উজিয়ার্‌ কধা তারা ন-শুনোন্‌।

নহিমিয় 9:34 ပူးပေါင်းရင်းမြစ်များ

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

২ বংশধর 29:6

আমা পূরোণি মানুচ্চুনে অবিশ্বেজি ওইয়োন; আমা গোজেন লগেপ্রভুর চোগেন্দি যিয়েনি ভান্ন্যেই তারা সিয়েনি গুরিলাক্‌ আর তারে ছাড়িনে গেলাক্‌। লগেপ্রভুর থেবার জাগানত্তুন্‌ তারা মুয়োনি ফিরেই নেযেয়োন আর তাত্তুন্‌ পিজেন্দি ফিজ্যন্‌।

ইষ্রা 9:10

মাত্তর্ ইক্কিনে, ও আমার্ গোজেন, ইয়েনর্ পরেদি আমি কি কোই পারিই? তুই তর্ চাগর্ ভাববাদীগুনোর মাধ্যমে যেদক্কানি উগুম দুয়োচ্ সিয়েন দঅ আমি অগ্রাজ্য গোজ্যেই। তুই কোইয়োচ্চ্যে, যে দেশ্‌‌চান্ তুমি অধিকার গুরিবাত্যে যর্ সিয়েন সিদুগোর্ মানুচ্চুনোর্ অসিজি অনার্ কারনে অসিজি ওইয়োন। তারার্ জঘন্য কাম্‌‌বোই তারা দেজর্ এক দুযিত্তুন্ অন্য দুযি সং অসিজিলোই ভোজ্যে।

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

নহিমিয় 9:33

তুই আমা উগুরে যিয়েনি ঘুদিবাত্তে দুয়োচ্‌ সিয়েনিলোই তুই অন্যেই ন-গরচ্‌; তুই বিশ্বেজ্‌ গুরিনে কাম্‌ গোজ্যস্‌ আর আমি অন্যেই গোজ্যেই।

নহিমিয় 9:35

তারার্‌ রাজাগিরির্‌ সময়োত্‌ তারা তর্‌ দিয়্যে দাঙর্‌ আর বোল্‌বোল্যে দেজত্‌ বোউত্‌ মংগল ভোগ গোজ্যন্‌, তো তারা তর্‌ সেবা ন-গরন্‌ বা তারার্‌ ভান্ন্যেই পধত্তুন্‌ ন-ফিরোন্‌।

যিরমিয় 29:19

ইয়েনর কারনান্ অলঅ, যে কধাগান মুই বার্ বার্ মঅ চাগরুনোরে, অত্তাৎ ভাববাদীগুনোরে দিইনে তারা ইধু কোই পাদেয়োং সিয়েন তারা ন-শুনোন্।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিহিষ্কেল 5:6

মাত্তর্ তে তার ভান্ন্যেয়ত্তে মর্ সুদোমানি বিরুদ্ধে তা চেরোকিত্যে নানান্ জাদে আর দেজত্তুন্অ বেশ উল্লোমী গোজ্যস্। তে মর্ সুদমানি এলাফেলা গোজ্যে আর মানি ন-চলে।

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”