নহিমিয় 9:32 - Chakma Bible

³² ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

নহিমিয় 9:32 ပူးပေါင်းရင်းမြစ်များ

১ রাজাবলী 8:23

তে কলদে, ও লগেপ্রভু ইস্রায়েলর গোজেন, উগুরে স্বর্গত্‌ বা তলেন্দি পিত্তিমীত্‌ তঅ ধোক্কেন্‌ গোজেন আর কনজন নেই। তর্‌ যে চাগরুনে মনে-পরাণে তঅ পধেন্দি আদন্‌ তুই তারার পক্ষেন্দি তর্‌ অমকদ কোচ্‌পানার সুদোমান রোক্ষ্যে গুরি থাচ্‌।

২ রাজাবলী 15:19

ইয়েন পরেন্দি আসিরিয়ার রাজা পূল ইস্রায়েলান্‌ আক্রমণ গুরিলো। সেক্কে মনহেমে পূলর বলে দেজত্‌ তার্‌ রাজাগিরি ঠিগ্‌ রাগেবাত্তে তারে ঊনচোল্লিশ টন রূবো দিলো।

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 17:3

আসিরিয়ার রাজা শল্‌মনেষর হোশেয়রে আক্রমণ গুরিবাত্তে এলঅ। সে কারনে হোশেয় শল্‌মনেষরর তলে-রাজা অলঅ আর তারে কর্‌ দিয়্যে ধুরিলো।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ রাজাবলী 25:7

সৈন্যগুনে সিদিকিয়ো চোগো মুজুঙোত্‌ তা পুয়োগুনোরে মারে ফেলেল। সে পরেন্দি তারা তা চোখ দ্বিবে তুলি ফেলেইনে তারে পিদোল শিগোল্‌লোই বানিনে বাবিলোত্‌ নেযেলাক্‌।

ইষ্রা 4:2

সেই শত্রুগুনে যেক্কে সরুব্বাবিল আর বংশর নেতাগুনো ইদু এইনে কলাক্, উবোসনা-ঘর বানেবার কামত্ আমিয়ো তমা সমারে মিজেবং, কিত্যে তমা ধোক্ক্যেন আমিয়ো তমা গোজেনর্ আওজ্ মজিম্ চলিবাত্তে চেট্ট্যা গুরির। আসিরিয়ার রাজা এসর-হদ্দোন আমা ইদু আনিবার পরেত্তুন্ ধুরি গোজেনর্ নাঙে আমি য়েমান-উৎর্সগ গুরি এজির্।

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

গীতসংহিতা 47:2

দাঙর লগেপ্রভু ভোক্তিবলা দর্‌বুগ্ লাগায়; পুরো পিত্‌থিমীগান উগুরে তেয়ই দাঙর্ রাজা।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 66:5

তুমি এইনে গোজেনর কামানি চেই যঅ; মান্‌জ্যত্তে তে যে কামানি গোজ্যে সিয়েনি মনত্ ভোক্তিবলা দর্‌বুক্ লাগায়।

যাত্রা 18:8

লগেপ্রভু ইস্রায়েলীয়গুনোর্‌ পক্ষ ওইনে ফরৌণ আর মিসরীয়গুনো উগুরে যিয়েনি গোজ্যে সিয়েনি বেক্কানি মোশি তা শুয়োরবোরে জানেল। এজানার পদথ্‌ তারার্‌ দুগোর কধা আর কেধোক্ক্যেনগুরি গোজেনে তারারে উদ্ধোর্‌ গোজ্যে সেই বেক্‌ কধানিয়ো তে তারে জানেল।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

দানিয়েল 9:8

ও লগেপ্রভু, আমা রাজাগুন, নেতাগুন, পুরোণি মানুচ্চুন আর আমি অগমানে পৌল্যেই আঘিই, কিত্যে আমি তঅ বিরুদ্ধে পাপ গোজ্যেই।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

দ্বি’লম্বর বিররণ 7:12

যুনি তুমি এ বেক্‌ সুদোমর ইন্দি মনান্‌ দুয়ো আর সিয়েনি যত্তন্‌ গুরিনে পালঅ, সালে তমার গোজেন লগেপ্রভু তমা পুরোণি মানুচ্চুনো ইদু যে শমক্‌ গোজ্যে সেই মজিম তমাত্তে তে যে সুদোমানি থিদেবর্ গোজ্যে সিয়েনি তে রোক্ষ্যে গুরিবো আর তমা উগুরে অমকদ কোচ্‌পানা দেগেব।

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।