নহিমিয় 9:30 - Chakma Bible

³⁰ মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

নহিমিয় 9:30 ပူးပေါင်းရင်းမြစ်များ

২ রাজাবলী 18:11

আসিরিয়ার রাজা ইস্রায়েলর মানুচ্চুনোরে বন্দী গুরিনে আসিরিয়াত্‌ নেযেল আর হলহে, হাবোর গাঙ পারত্‌ গোষণ চাগালাত্‌ আর মাদীয়গুনো শঅরানিত্‌ তারারে বজত্তি গুরিবাত্তে দিলো।

২ রাজাবলী 21:10

সেক্কে লগেপ্রভু তা চাগরুনোরে, অত্তাৎ ভাববাদীগুনোরে দিইনে এ কধাগান কলঅ,

২ বংশধর 24:19

যুনিয়ো লগেপ্রভু মানুচ্চুনোরে তাইদু ফিরেই আনিবাত্তে ভাববাদীগুনোরে পাদেল আর তারা মানুচ্চুনোরে উজিয়ার্‌ গুরিলাক্‌ তো তারা ন-শুনিলাক্‌।

ইষ্রা 9:10

মাত্তর্ ইক্কিনে, ও আমার্ গোজেন, ইয়েনর্ পরেদি আমি কি কোই পারিই? তুই তর্ চাগর্ ভাববাদীগুনোর মাধ্যমে যেদক্কানি উগুম দুয়োচ্ সিয়েন দঅ আমি অগ্রাজ্য গোজ্যেই। তুই কোইয়োচ্চ্যে, যে দেশ্‌‌চান্ তুমি অধিকার গুরিবাত্যে যর্ সিয়েন সিদুগোর্ মানুচ্চুনোর্ অসিজি অনার্ কারনে অসিজি ওইয়োন। তারার্ জঘন্য কাম্‌‌বোই তারা দেজর্ এক দুযিত্তুন্ অন্য দুযি সং অসিজিলোই ভোজ্যে।

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

নহিমিয় 9:26

মাত্তর্‌ তো তারা অবাধ্য ওইনে তঅ বিরুদ্ধে উল্লোমি গোজ্যন্‌; তর্‌ রীদি-সুুদোম তারা ছাড়ি যেইয়োন। তর্‌ যে ভাববাদীগুনে তারারে উজিয়ার্‌ গুরিদাক্‌ যেনে তারা তইন্দি ফিরি এজন্‌ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন।

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যিশাইয় 28:10

সিয়েন অলঅ, ‘ইয়েন গরঅ, উবোন্ গরঅ, এই সুদোমান মানঅ, সেই সুদোমান মানঅ, ইয়োত্ আঘে, উবোত্ আঘে।’ ”

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

যিশাইয় 48:9

মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিরমিয় 25:4

লগেপ্রভু যুনিয়ো তার বেক চাগরুনোরে, অত্তাৎ ভাববাদীগুনোরে বার্ বার্ তমা ইধু পাদেয়্যে তো তুমি ন-শুনো বা মনযোগ্‌অ ন-দুয়ো।

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 44:5

মাত্তর্ তারা সিয়েনত্ কান্‌‍অ ন-পাদন, মনযোগ্‌অ ন-দুয়োন; তারা তারার পাজিগানিত্তুন্ ন-ফিরোন বা দেব-দেবেদাগুনো ইধু আগর্‌বাট্টি জ্বালানাগান্‌অ ন-থামান।

যিরমিয় 7:25

তমা পুরোণি মানুচ্চুনে যেক্কে মিসর ছাড়ি এচ্চ্যন্ সেক্কেত্তুন ধুরি এচ্চ্যে সং দিনকে দিন মুই তমা ইধু মর্ বেক চাগরুনোর, অত্তাৎ ভাববাদীগুনোরে পাধেই এজঙর্।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

সখরিয় 7:12

তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

গণাণা 11:26

ইল্‌দদ আর মেদদ নাঙে দ্বিজন মান্‌জ্যে তাম্বুলো ভিদিরেই এলাক। বেঈ লোইয়্যে বুড়ো নেতাগুনো ভিদিরে এই দ্বিজনেয়ো এলাক, মাত্তর্‌ তারা মিলন-তাম্বুলো ইদু ন-যান। তো তারা উগুরে সেই আত্মাগান্‌ এচ্চ্যে। সেক্কে তারায়ো সেই অক্তত্‌ তাম্বুলো ভিদিরে ভাববাদী ইজেবে কধা কুয়ো ধোজ্যন।

প্রেরিত্‌ 28:25

পৌল কধালোই তারা ভিদিরে কধা মানা-মানি ন-অলঅ আর তারা সিয়েনত্তুন্ গেলাক্‌কোই। তারা যেবার্ আগেদি পৌলে কলঅ, পবিত্র আত্মাগানে ভাববাদী যিশাইয় মাধ্যমে তমা পূরোণি মানুচ্চুনো ইধু সত্য কধাগান কোইয়্যেদে যে,

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।