নহিমিয় 9:26 - Chakma Bible26 মাত্তর্ তো তারা অবাধ্য ওইনে তঅ বিরুদ্ধে উল্লোমি গোজ্যন্; তর্ রীদি-সুুদোম তারা ছাড়ি যেইয়োন। তর্ যে ভাববাদীগুনে তারারে উজিয়ার্ গুরিদাক্ যেনে তারা তইন্দি ফিরি এজন্ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন। အခန်းကိုကြည့်ပါ။ |
নহিমিয় 9:26
35 ပူးပေါင်းရင်းမြစ်များ
জোবত্ তে কলঅ, “বেগত্তুন খেমতার্ গিরোজ্ গোজেন লগেপ্রভু যেনে তার পাওনা ভোক্তি পায় সেনত্তে মুই অমকদ ধারোচ্ গরঙর্, কিত্তেই ইস্রায়েলীয়গুনে তর্ থিদেবর গোজ্যে সুদোমান্ ছাড়ি দুয়োন্, তর্ বেক্ ডালিপূজোগুন্ ভাঙি ফেলেয়োন আর তর্ ভাববাদীগুনোরে মারে ফেলেয়োন। বানা মুই বাগি আগং আর মরেয়ো ইক্কিনে তারা মারে ফেলেবার চেট্ট্যা গত্তন্।”
এন্ কি, তারা নিজোত্তে ছাজি ফেলেইনে এক্কো গোরুছঅ মূত্তি বানেইনে কোইয়োন্, ইবেয়ই তমা গোজেন; মিসর দেজত্তুন্ ইবেয়ই তমারে নিগিলেই আন্যে। এধোক্কেন্ গুরিনে যেক্কে তারা তরে অমকদ অগমান্ গোজ্যন্ সেক্কেয়ো তর্ মেয়্যেত্তে তুই ধূল্যেচর-চাগালাত্ তারারে ছাড়ি ন-যাজ্। দিনোত্ তারারে আদেই নেযেবাত্তে মেঘঅ ছাগ্ আর রেদোত্ তারারে যেবার্ পধথ্ পহ্র দিবাত্তে আগুনো ঝিলান্ তারাত্তুন্ সোরেই ন-নেযাজ্।
তর্ রীদি-সুদোম ইন্দি ফিরি এবাত্তে তুই তারারে উজিয়ার্ গোজ্যস্ মাত্তর্ তারার্ বেবহারান্ এলদে বার্বোলোই ভরা; তারা তর্ বেক্ উগুমানি ন-পালান্। তর্ যেদক্কানি উগুম্ পালন্ গুরিলে মানুচ্ বাজন্ সেনত্তেই সিয়েনর্ বিরুদ্ধে তারা পাপ গোজ্যন্। তারা একগেয়েমি গুরিনে আর গত্তনাগুন্ দরমর গুরিনে তর্ কধানি শুনিবাত্তে ন-চান্।
মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্কান আর অমকদ অহুজি অনাগান পুরোপুরি ঢালি দিম।
ကြော်ငြာတွေ